Tags-Aansoo

maiñ us kī aañkh kā aañsū na ban sakā varna
mujhe bhī ḳhaak meñ milne kā Dar nahīñ hotā

ā.ankhoñ se bahe miTTī meñ mile ahbāb ko parvā kuchh na huī
mātam mire ik ik aañsū kā mizhgāñ kī saf-e-mātam ne kiyā

gard-e-ġham siiñ jo dil huā melā
apne aañsū ke aab siiñ dhonāñ

tū bhī kho jā.egī Tapke hue aañsū kī tarah
dekh ai gardish-e-ayyām mire saath na chal

vasl ke ashk hijr ke aañsū
vo namī ko namī samajhtā hai

diye haiñ jo tum ne nadāmat ke aañsū
tumhārā gunahgār kitnā hasīñ hai

ai 'mus.hafī' mere haal pe ab kyūñ-kar na koī afsos kare
be-sāḳhta dil betāb huā aañsū kī Dhalak phir vaisī hī

aañsū kā tere qatra hai mez par abhī tak
tū dekh aa ke is meñ ik jal-parī banī hai

baheñ na aañkh se aañsū to naġhmagī be-sūd
khileñ na phuul to rañgīni-e-fuġhāñ kyā hai

itne aañsū to na the dīda-e-tar ke aage
ab to paanī hī bharā rahtā hai ghar ke aage

zabt-e-girya se kahīñ chaak na ho jaa.e jigar
buuñd aañsū kī bhī hiire kī kanī hotī hai

peshvā.ī ko ġham-e-jānāñ kī chashm-e-dil se 'zauq'
jab baḌhe naale to us se beshtar aañsū baḌhe

Tapak paḌte haiñ shabnam kī tarah be-iḳhtiyār aañsū
chaman meñ jab kabhī gul-hā-e-ḳhandāñ dekh lete haiñ

aañsū ko dāman meñ le lo
phuul kī ḳhushbū jaa.e rach-bas

'purnam' ġham-e-ulfat meñ tum aañsū na bahāo
is aag ko paanī se bujhāyā nahīñ jaatā

gir paḌe aañkh se us kī bhī yakāyak aañsū
zikr mahfil meñ jo kuchh merā huā mere ba.ad

ye sa.i-e-zabt-e-ġham āñkhoñ meñ aañsū rokne vaale
safīnoñ meñ kahīñ tūfān bhī mastūr hotā hai

na pī tū apne ye aañsū mazāq meñ 'sāqī'
kahīñ na zahr mohabbat meñ kaam kar jaa.e

banā kar sāneha koī tamāshā ye karātā hai
falak ma.asūm logoñ ko bahut aañsū rulātā hai

kisī aañsū kī ġham hotī sadā par
larazna Dūbnā ghabrānā dil kā