Tags-Fasad

fasād-e-qalb-o-nazar hāsil-e-tamāshā dekh
savār-e-markab-e-duniyā ġhubār-e-duniyā dekh

fasād-e-hirs nahīñ qasr-e-shahr tak mahdūd
ki is lapeT meñ aalam kā kārḳhāna hai

agar nazar ho to paḌh lo payām-e-bedārī
fasīl-e-shahr pe likkhā huā fasād meñ hai

fasād-e-īñ-o-āñ hai kis ke dam se
kaheñge aur tujh se barmalā kyā

har ik fasād zarūrat hai ab siyāsat kī
har ik ghoTāle ke pīchhe vazīr rahte haiñ

guzrā jahāñ se maiñ to kahā hañs ke yaar ne
qissa gayā fasād gayā dard-e-sar gayā

ḳhuun fasād aur dañgā dekhā
billā dekhā rañgā dekhā

fasād-e-koh-kanī hīla-hā-e-parvezī
hazār rañg ke kāñToñ meñ aable ham log

qabīla-vār adāvat kā silsila 'tāriq'
fasād-e-shahr kī sūrat meñ ab bhī chaltā hai

har-chand ki ho marīz-e-mohtāt
kyā kar sake bā-fasād iḳhlāt

na falsafī se na mullā se hai ġharaz mujh ko
ye dil kī maut vo andesha o nazar kā fasād

fasād-e-shahr tham gayā
fazā meñ bas ga.ī hai ek zahr-nāk ḳhāmushī

sau fasād ek ishq meñ uTThe
boyā ik tuḳhm uge hazār daraḳht

mirī ġhaflatoñ kā gilā na kar yahī nazm-e-kaun-o-fasād hai
ḳhabar is tilism-e-numūd kī mujhe ho chukī hai magar nahīñ

bahut udaas haiñ hākim agar to shahr mirā
kisī fasād ke sāñche meñ Dhal rahā hogā

nafratoñ kī ik dahaktī aag hai chāroñ taraf
maiñ fasād-e-shahr ke jalte hue manzar meñ huuñ

kis ke iimā pe hai ye ḳhūn-ḳharāba ye fasād
qā.il-e-jaur-o-jafā ham bhī nahīñ tum bhī nahīñ

ḳhud mar gayā thā jin ko bachāne meñ pahle baap
ab ke fasād meñ vahī bachche nahīñ rahe

sau fasād ek ishq meñ uTThe
boyā ik tuḳhm uge hazār daraḳht

ik tabīb-e-ādmiyat ne kahā hai saaf saaf
zahr duniyā kī ragoñ meñ sab fasād-e-zar kā hai