Tags-Fasad

ye mubāhise ye munāzare ye fasād-e-ḳhalq ye intishār
jise diin kahte haiñ dīn-dār mirī ruuh par vahī ghaav thā

yahī ishq bil-āḳhir rog banā ki hai chaah ke saath ba-jog banā
jise banñā thā aish vo sog banā baḌā man ke nagar meñ fasād kiyā

do-chār baar nabzeñ TaTolīñ to daf.atan
bole ki kuchh fasād hai shāyad luaab meñ

afsos be-shumār suḳhan-hā-e-guftanī
ḳhauf-e-fasād-e-ḳhalq se nā-gufta rah ga.e

junūñ ko hosh kahāñ ehtimām-e-ġhārat kā
fasād jo bhī jahāñ meñ huā ḳhirad se huā

bahut sukūn se rahte the ham añdhere meñ
fasād paidā huā raushnī ke aane se

ajab nahīñ ki bapā ho yahīñ se fitna-e-hashr
zamāne bhar meñ haiñ saare fasād isī dil ke

ilzām apnī maut kā mausam pe kyuuñ dharūñ
mere badan meñ mere lahū kā fasād thā

maiñ hī bantā huuñ fasād-e-āb-o-gil kā har sabab
kis qadar nuqsān merā mere hone se huā

urūj-e-paikar-e-ḳhākī se hai insāniyat larzāñ
fasād o sarkashī se paak ye aalam nahīñ hotā