Tags-Friendship

marnā mirā ilaaj to be-shak hai soch luuñ
ye dostī se kahte haiñ yā dushmanī se aap

ab sulh-o-āshatī ke zamāne guzar ga.e
ab dostī kā haath baḌhāyā na jā.egā

ye jo mel-jol kī baat hai ye jo majlisī sī hayāt hai
mujhe is se koī ġharaz nahīñ mujhe dostī kī talāsh hai

vafā kī aaḌ meñ kyā kyā huī jafā ham par
jo dostī yahī Thahrī to dushmanī kyā hai

yāroñ meñ mil sakā na koī tujh sā
kahne ko sab se dostī hai merī

daur-e-ḳhizāñ se ab to bahlā rahā huuñ dil ko
kāñToñ meñ phañs gayā huuñ phūloñ kī dostī meñ

ik baat par hamārī uljhan meñ paḌ ga.e tum
duniyā na jaane kyā kyā kartī hai dostī meñ

maz.habī ātish ne bachpan kī jalā dī dostī
ham bhī ka.aba ban ga.e tum bhī shivāle ho ga.e

hamārī dostī meñ bhī darāḌeñ paḌ rahī thiiñ
ujāle meñ numāyāñ tīrgī bhī ho rahī thī

maiñ ne sūraj se dostī kī hai
shaam hote hī Dhal rahā huuñ maiñ

koī harf-e-nafī na kaam aayā
kitnī sachchī thī dostī apnī

sau baar taar taar kiyā to bhī ab talak
sābit vahī hai dast o garebāñ kī dostī

dostī kahāñ jaa.e?
us kī āstīnoñ se

tafhīm-e-dostī meñ baḌī bhuul ho ga.ī
phir duur se hī dost hamārā guzar gayā

ye sach hai mil baiThne kī had tak to kaam aa.ī hai ḳhush-gumānī
magar diloñ meñ ye dostī kī numūd hai rāhat-e-bayāñ se

rāh-o-rasm-e-dostī qaa.em to hai lekin 'hafīz'
ibtidā-e-shauq kī lambī mulāqāteñ ga.iiñ

dostī kar dilā na in se ki haiñ
dushman-e-jāñ ye sīm-bar sab ke

mohabbat jazba-e-īsār se parvān chaḌhtī hai
ḳhulūs-e-dil na ho to dostī se kuchh nahīñ hotā

mire diye ne añdhere se dostī kar lī
mujhe tū apne ujāle meñ jāntā hai to aa

maiñ dil ke daaġh dikhā.ūñ ki zaḳhm-e-sar un ko
jo pūchhte haiñ ki mafhūm-e-dostī kyā hai