Collections

Lab Shayari

Motivational Ghazals

Best Khamoshi Shayari

More Collections

Tags-Gaon

phaldār thā to gaañv use pūjtā rahā
sūkhā to qatl ho gayā vo be-zabāñ daraḳht

phaldar tha to ganw use pujta raha

donoñ ko apne des kī miTTī pe naaz hai
sāñpoñ kī bāñbiyāñ bhī haiñ phūloñ ke gaañv meñ

ye kis ko jag jag ke taron ki chhanw mein

dekh kar makrūh sāzish gaañv kī dahlīz tak
sochtā huuñ maiñ 'nizāmī' kyā bachā rah jā.egā

talKHiyan rah jaengi lafz-e-wafa rah jaega

gaañv se guzregā aur miTTī ke ghar le jā.egā
ek din dariyā sabhī dīvār o dar le jā.egā

ganw se guzrega aur miTTi ke ghar le jaega

tujh se bichhḌe gaañv chhūTā shahr meñ aa kar base
taj diye sab sañgī sāthī tyaag Daalā des bhī

tujhse bichhDe ganw chhuTa shahr mein aa kar base

ajnabī gaañv meñ phirtā huuñ ye ummīd liye
chhāñv darkār hai thoḌī sī jahāñ mil jaa.e

phir mujhe hausla-e-arz-o-bayan mil jae

jab bhī lauTā gaañv ke bāzār se
mujh ko sab bachchoñ ne dekhā pyaar se

jab bhi lauTa ganw ke bazar se

Dhol kā shor-e-qayāmat hai ki terī bārāt
dūsre gaañv se gaañv meñ aa.ī huī hai

ek taswir jo kamre mein lagai hui hai

aaj bhī gaañv meñ kuchh kachche makānoñ vaale
ghar meñ ham-sā.e ke faaqa nahīñ hone dete

hum ghazal mein tera charcha nahin hone dete

lashkarī gaañv pe shab-ḳhūn nahīñ māreñge
hausla gasht pe kal raat se niklā huā hai

yaad aur gham ki riwayat se nikla hua hai

khet kī miTTī ko vīrāñ dekh kar
gaañv vaale DhūñDne bādal ga.e

aag thi aisi ki arman jal gae

shahrī bhañvre se kahnā ai bād-e-sabā
niim ke patte gaañv meñ ab bhī kaḌve haiñ

bachche bhi ab dekh ke usko hanste hain

kaThin tanhā.iyoñ se kaun khelā maiñ akelā
bharā ab bhī mire gaañv kā mela maiñ akelā

kaThin tanhaiyon se kaun khela main akela

jañgal gaañv parinde insāñ qisse meñ sab lākhoñ the
sayyāre kā sūraj lekin tanhā.ī meñ yaktā thā

zanjiron se bandha hua har ek yahudi takta tha

pariyoñ aisā ruup hai jis kā laḌkoñ aisā naañv
saare dhande chhoḌ-chhāḌ ke chaliye us ke gaañv

pariyon aisa rup hai jis ka laDkon aisa nanw

shahr kyā hai ek dasht-e-be-hisī
gaañv to phir bhī ġhanīmat hai yahāñ

law-lashkar jah-o-hashmat hai yahan

bikharte shahroñ ke manzar inheñ dikhāo bhī
umiid se haiñ bahut ab ke gaañv meñ āñkheñ

kaho farar se bandhe na panw mein aankhen

jab jab bhī maiñ nai tark-e-vatan kā kiyā ḳhayāl
qadmoñ se mere gaañv ke raste lipaT ga.e

ghar se nikale panw to raste simaT gae

mere jañgal meñ hī mañgal kā samāñ hai paidā
shahr ke log mire gaañv meñ aa kar dekheñ

ji mein aata hai ki ek roz ye manzar dekhen

vo shab va.ade kī shab thī
gaañv kī chaupāl puurī bhar chukī thī

anjam qissa-go ka