Tags-Gaon

palaT ke gaañv meñ maiñ is liye nahīñ aayā
mire badan pe abhī dhajjiyāñ purānī haiñ

ghurkhiyoñ ke gaañv se ret uThā ke laa.e the iiñT shahr se lī thī ye na thā magar ma.alūm
jhelnā paḌeñgī phir ghar kī ghurkiyāñ yaaro ret is nagar kī hai iiñT is nagar kī hai

gaañv meñ eid phirā kartī thī galiyāñ galiyāñ
aur is shahar meñ thak kar yūñhī so jaatī hai

na panghaT na rishte na sukh-dukh kī bāteñ
mirā gaañv ab shahr jo ban gayā hai

ab to zarā sā gaañv hai beTī na de ise
lagtā thā varna chiin kā dāmād āgara

shahr meñ rañg jamā gaañv meñ fasleñ ujḌīñ
hashr uThāyā binā mausam kī ghaTā ne kyā kyā

shahr merī majbūrī gaañv merī aadat hai
ek sāneha mujh par ik mirī virāsat hai

gaañv ke kachche makānoñ meñ ye pakke rishte
raas aa.egā nahīñ shahr kā khānā tum ko

yahāñ har qadam pe savāl hai vahāñ har qadam pe malāl hai
baḌī uljhanoñ meñ hai zindagī tire gaañv meñ mire shahr meñ

ye hasad jahāñ kī nazar meñ hai ġham-e-'dānā' un ke jigar meñ hai
hai sabhī ko pyaar se dushmanī tire gaañv meñ mire shahr meñ

vahī dard hai vahī bebasī tire gaañv meñ mire shahr meñ
be-ġhamoñ kī bhiiḌ meñ aadmī tire gaañv meñ mire shahr meñ

maiñ ilāj-e-ġham bhī na kar sakā tirā jaam to bhī na bhar sakā
hai har ek moḌ pe tishnagī tire gaañv meñ mire shahr meñ

na vo husn hai na hijāb hai na vo ishq meñ tab-o-tāb hai
na vo ābrū-e-vafā rahī tire gaañv meñ mire shahr meñ

haiñ sabhī kī apnī zarūrateñ koī kaise bāñTe mohabbateñ
na ḳhulūs hai na hai dostī tire gaañv meñ mire shahr meñ

kise dost apnā banā.eñ ham kise dil kā haal sunā.eñ ham
sabhī ġhair haiñ sabhī ajnabī tire gaañv meñ mire shahr meñ

bandar vaalā oḌh do-shāla
gaañv meñ aayā joḌā laayā

kachchī masjid hai jahāñ paḌhte haiñ sab log namāz
aur ik nahr se karte haiñ vuzū gaañv meñ

guftugū hogī tirī ḳhud se kisī ke lab par
tū kisī roz kisī phuul ko chhū gaañv meñ

sīna-e-ḳhāk pe bikhrā hai lahū gaañv meñ
aisā lagtā hai ki lauT aayā hai tū gaañv meñ

na parinde haiñ na ab khelte bachche 'tāsīr'
ab to chhāyā hai faqat ālam-e-hū gaañv meñ