Tags-Aashiq

umr-e-āshiq-o-ma.ashūq sarf-e-nāz-o-hairat hai
husn hai adā-pardāz ishq hai tamāshā.ī

haif us chaar girah kapḌe kī qismat 'ġhālib'
jis kī qismat meñ ho āshiq kā garebāñ honā

maidān-e-vafā darbār nahīñ yaañ nām-o-nasab kī pūchh kahāñ
āshiq to kisī kā naam nahīñ kuchh ishq kisī kī zaat nahīñ

duniyā hai kitnī be-Thikāna
āshiq kī barāt ho ga.ī hai

āshiq us kī mast āñkhoñ ke mudām
phirte haiñ behosh matvāle paḌe

ham to kahte the na āshiq ho ab itnā to batā
jā ke ham rote haiñ pahroñ pas-e-dīvār ki tū

kaun kahtā hai ki aa kar dekh lo
haal āshiq kā bulā kar dekh lo

un se do aañkh se aañsū bhī bahā.e na ga.e
qabr-e-āshiq ke nishāñ bhī to miTā.e na ga.e

jumbish-e-lab kā gumāñ hotā thā āshiq ko tire
is qadar lutf-e-ḳhamoshī tirī tasvīr meñ thā

diiñ de ke gayā kufr ke bhī kaam se āshiq
tasbīh ke saath us ne to zunnār bhī chhoḌā

kuchh chalī to tere āshiq se hī talvār chalī
jab huī jañg bapā mard-e-viġhā maiñ hī huā

qatl-e-āshiq ke liye ek adā bas hai tirī
bismil-e-ishq ko kuchh hājat-e-samsām nahīñ

āshiq-e-zār huuñ juz ishq mujhe kaam nahīñ
tālib-e-kufr nahīñ tābe-e-islām nahīñ

āshiq-e-soḳhta-dil ḳhatt-e-sanam donoñ ek
jis tarah suniye judā shādī-o-ġham donoñ ek

kuchh jo samjhā to mujhe sab ne hī āshiq samjhā
baat ye ḳhuub nikālī mire afsāne se

maze jo maut ke āshiq bayāñ kabhū karte
masīh o ḳhizr bhī marne kī aarzū karte

āshiq kaheñ haiñ jin ko vo be-nañg log haiñ
ma.ashūq jin kā naam hai vo sañg log haiñ

kabhī na jā.egā āshiq se dekh-bhāl kā rog
pilāo laakh use bad-maza davā-e-firāq

simTe to dil-e-āshiq phaile to jahāñ kam hai
sadiyoñ ko banā degī lamhāt tirī bāteñ