Tags-Aashiq

va.ada āshiq se na ho sachchā to jhūTā hī sahī
chāhiye kuchh to tasallī dil baḌhāne ke liye

māñge koī daulat koī izzat koī jannat
aur āshiq-e-be-dil kī duā aur hī kuchh hai

merī shah-rag kaaTī us ne aur kahā shoḳhī ke saath
tū sachchā āshiq hai to phir dekh ravānī kam na paḌe

ho āshiq-e-ḳhūnīñ-jigar jiyūñ laala is gulzār meñ
khā dil pe dāġh-e-āshiqī gul-posh ho gul-posh ho

ḳhafā haiñ āshiq o māshūq se magar kuchh log
ġhazal meñ ishq ke ādāb dekh sakte haiñ

ātishīñ husn kyuuñ dikhāte ho
dil hai āshiq kā koh-e-tūr nahīñ

āshiq bipat ke maare rote hue jidhar jaañ
paanī siiñ us taraf kī rāheñ tamām bhar jaañ

kūche meñ us ke jam.a haiñ āshiq bhiiḌ lagī hai kosoñ tak
shor bhī hai hañgāma bhī hai shāne se chhiltā shāna bhī

āshiq vo ahl-e-havas ke biich meñ do ek aisī Trophiyāñ thiiñ
sab ko ye ma.alūm thā Teameñ barābarī kī raheñgī

ḳhalvat-nashīñ ho to dil-e-āshiq meñ kar jagah
yuuñ daulat-e-jamāl na ai sīm-tan luTā

jaras ke saath dil rahte haiñ nālāñ
mire yūsuf kā āshiq kārvāñ hai

daaġh behtar hai vahī ho jo dil-e-āshiq meñ
jaur hai āriz-e-ḳhūbāñ pe vo ḳhaal achchhā hai

is imtihāñ ke savāl aate nahīñ nisāboñ se maktaboñ ke
ajiib āshiq hai ye jo paḌh kar kitāb tayyār ho rahā hai

ek aalam tire āshiq ne kiyā ḳhāl-e-siyāh
do hī naale kiye the tuur jalāne vaale

ye sāda-rū jo saaf nahīñ rahte shām-e-vasl
āshiq ġhubār dāman-e-sub.h-e-ḳhafā ke haiñ

āshiq-e-zulf-e-siyah ko is tarah ta.azīr do
saañp kī rassī banāo aur koḌā saañp kā

hove kis tarah dilerāna vo āshiq se do-chār
apne bhī aks se jo aañkh ki sharmātī hai

aa ke be-parda mileñ vo dam-e-naz.a
ye duā āshiq-e-bīmār kī hai

kabhī āshiq ko samjhāyā kabhī ġhairoñ ko bahlāyā
fareb-āmez haiñ chāleñ tirī o hīla-jū kyā kyā