Tags-Aashiq

chale the haram ko rah meñ hue ik sanam ke āshiq
na huā savāb hāsil ye milā azaab ulTā

kyūñkar in kaalī balāoñ se bachegā āshiq
ḳhat siyah ḳhaal siyah zulf siyah chashm siyāh

na pūchh sīna-e-āshiq se āb-e-teġh-e-nigāh
ki zaḳhm-e-rauzan-e-dar se havā nikaltī hai

kal kisī shaḳhs ne us shoḳh se jā kar ye kahā
aaj dar par tire ik āshiq-e-pīr aayā hai

āshiq hī ke jab na kaam aayā
kis kaam kā bāñkpan kisī kā

husn kī shart-e-vafā jo Thahrī tesha o sañg-e-girāñ kī baat
ham hoñ yā farhād ho āḳhir āshiq to mazdūr rahā

'bāqar' se nahīñ izzat-e-sādāt pe kuchh harf
āshiq to banā phirtā hai badnām nahīñ hai

bas nahīñ chaltā jo us dam un ke uupar gar paḌe
āshiq o ma.ashūq ko jab ek jā paatā hai charḳh

lutf-e-dil-bastagī-e-āshiq-e-shaidā ko na pūchh
do jahāñ se is asīrī ne farāġhat dī hai

dū-ba-dū āshiq-e-shaidā se vo hogā kyūñkar
ā.īne meñ bhī jo muñh dekhte sharmātā hai

hañso bolo milo baiTho bhalā jī
nahīñ kyā āshiq-o-māshūq ham tum

ai dast-e-mashāta tuuñ jab señ pahūñchā hai us zulf-e-mushkīñ kī shāna-e-kashī kuuñ
āshiq kī aahoñ ke in saaf rishtoñ meñ girhāñ haiñ uñglī kī poroñ kī mānind

dārā.ī-e-surḳh in jāma-zeboñ ne āshiq ke lohū se rañgīñ kiye haiñ
be-ḳhud ho kahtā huuñ kyā ḳhuub lagte haiñ mere kaleje ke qoroñ kī mānind

āshiq tirā marne ko hai tayyār hamesha
dikhlā na mizha ḳhanjar-e-ḳhūñ-ḳhār hamesha

dasht-e-ġhurbat rañj-e-tanhā.ī hujūm-e-dard-o-yās
in balāoñ meñ tirā āshiq kahāñ maarā gayā

teġh-e-abrū se dil-e-āshiq ko miltī kyā panāh
jo chaḌhā muñh par ajal ke be-gumāñ maarā gayā

jo lauñDā chhoḌ kar ranDī ko chāhe
vo kui āshiq nahīñ hai bul-havas hai

paḌe ho ishq meñ to ishq kī tahzīb bhī sīkho
kisī āshiq ke chehre par hañsī achchhī nahīñ lagtī

kahīñ vo sūrat-e-ḳhūbāñ huā hai
kahīñ vo āshiq-e-hairāñ huā hai

hamārī ulfat kā zikr sun kar adū nikāle bhī shiq to kyūñ-kar
ki lafz-e-shiq meñ bhī to ye shiq hai ki hai ye āshiq kā naam aadhā