Tags-Gareban

chamak rahā thā vo ḳhurshīd-e-do-jahāñ kī tarah
vo haath jo ki garebān-e-kaj-kulāh meñ thā

dil ke dhaḌkoñ kā ye aalam hai ki be-minnat-e-dast
purze ho ho ke garebān uḌā jaatā hai

chāk-e-jeb apne ko maiñ bhī juuñ garebān-e-sahar
nāsehā tā-dāman-e-mahshar tū silvātā nahīñ

diloñ kā bojh diloñ se utārne ke liye
ye lāzmī thā garebān ko siyā jaatā

na āḳhir bachā parda-e-rāz-e-dushman
huā chaak merā garebān ho kar

chhuTe garebān us kā gaahe na panjā-e-rañj se ḳhudāyā
ki dāman-e-vasl haath apne se jis ne us shoḳh kā chhuḌāyā

nahīñ hotā rafū chāk-e-garebān-e-fanā hargiz
mañgā.īñ charḳh-e-chārum se agar iisā kī sozan tak

suno tumhāre garebān bhī nahīñ mahfūz
Daro tumhārā bhī ik din hisāb legā lahū

kyā zaḳhm-e-dil ummīd rakhe us se ki jis ne
dekhā na kabhī chāk-e-garebān-e-sahar bhī

kam nahīñ mahr-e-daraḳhshāñ se mirā dāġh-e-jigar
matla.a-e-sub.h se kam merā girebān nahīñ

is ishq o junūñ meñ na garebān kā Dar hai
ye ishq vo hai jis meñ hameñ jaan kā Dar hai

uljhā uljhā sā hai kyuuñ apne bharam meñ har-dam
tū ne ḳhud apne garebān meñ jhāñkā hī nahīñ

taare dīvāne nahīñ haiñ ki jo thāme hī raheñ
dāman-e-shab ko garebān-e-sahar hone tak

panja-e-ishq ne betāb kiyā jab suuñ mujhe
chāk-e-dil tab suuñ basā chāk-e-garebān meñ aa

ab bhalā kaun kare chaak garebān-e-junūñ
azmat-e-zulf ghaTī chashm-e-kañval-nāz girī

kahāñ nasīb havas ko junūñ kī ārā.ish
lahū lahū hai garebān taar taar to hai

TuuT jaa.e to ise dil kā laqab miltā hai
chaak ho jaa.e to hotā hai garebān yahāñ

dast-e-vahshat ko ḳhabar kar de koī
ham garebān siye baiThe haiñ

ajal ko jā ke garebān se pakaḌ laa.e
maiñ zindagī ko vahāñ tak rasā.ī detā huuñ

juuñ gul az-bas-ki junūñ hai mirā sāmān ke saat
chaak kartā huuñ maiñ siine ko garebān ke saat