Tags-Gham

ġham-e-ishq-e-haqīqī be-asar ho jaa.e nā-mumkin
numāyāñ laġhzish-o-ra.asha kaf-e-qātil meñ rahte haiñ

'sayyad' tumhāre ġham kī kisī ko ḳhabar nahīñ
ho bhī ḳhabar kisī ko to samjho ḳhabar nahīñ

guzrī kisī kī raat ġham-e-hijr meñ rote
kamra kisī ne rakkhā thā phūloñ se sajā kar

tere dukh meñ sharīk hone ko
ḳhud ko laa.e haiñ ġham meñ Dhaal ke log

mubtalā-e-hazār-ġham huuñ magar
hañs ke milte haiñ ḳhānevāl ke log

shab ke ġham din ke azāboñ se alag rakhtā huuñ
saarī tābīroñ ko ḳhvāboñ se alag rakhtā huuñ

duniyā ke har ek zarre se ghabrātā huuñ
ġham sāmne aatā hai jidhar jaatā huuñ

tār-e-nazar bhī ġham kī tamāzat se ḳhushk hai
vo pyaas hai mile to samundar sameT luuñ

diloñ ko ishq ne baḳhshī hayāt-e-ġham-afzā
ajab nishāna ḳhatā tīr-e-be-ḳhatā se huā

zindagī ġham kā isti.āra hai
dard jīvan ke sāl-o-māh meñ hai

sarishk-e-ġham rag-e-jāñ meñ nahīñ milātā huuñ
maiñ zahr āb-e-ravāñ meñ nahīñ milātā huuñ

tumhārā ġham ġham-e-duniyā se duur rakkhā hai
kabhī maiñ suud ziyāñ meñ nahīñ milātā huuñ

ek ġham qismat ne jaise dhar diyā qirtās par
zindagī jiinā bhī jaise sānvī tahrīk hai

savād-e-shām-e-ġham meñ yuuñ to der tak jalā charāġh
na jaane kyuuñ thakā thakā udaas udaas thā charāġh

maiñ ḳhūgar-e-sitam bhī huuñ adā-shanās-e-ġham bhī huuñ
majāl kyā havā-e-ġham bujhā sake mirā charāġh

vajūd-e-ġham bachā liyā ye baat koī kam nahīñ
havā-e-ġham ke sāmne laraz ke rah gayā charāġh

hindū se pūchhiye na musalmāñ se pūchhiye
insāniyat kā ġham kisī insāñ se pūchhiye

tū ne ek umr ke ba.ad pūchhā hai hāl-e-dil
vahī dard-o-ġham vahī hasrateñ mire saath haiñ

ġham-e-zindagī nāla-e-sub.h-gāhī mire shaiḳh sāhab kī vaahī tabāhī
agar un ke hote vajūd-e-ilāhī haqīqat nahīñ hai to phir aur kyā hai

maiñ ne kis dil se shab-e-ġham kī sahar kī hai 'arīb'
yaad aa.egī zamāne ko mirī be-jigarī