Tags-Gham

jaate hī un ke 'saif' shab-e-ġham ne aa liyā
ruḳhsat huā vo chāñd sitāre chale ga.e

soḳhtagī ne ġham kī asar jo dil meñ kiyā hai hone lagā hai
thoḌā thoḌā rañg dhueñ ke sabza hamārī ḳhaak se paidā

kuchh ḳhushī ke aañsū bhī ashk-e-ġham ke saath aa.e
apne jaise logoñ se jab ġhazal sunī apnī

kis kī tarab-andāz-nazar ghol rahī hai
andoh-o-ġham-o-soz mizāj-e-basharī meñ

kyā koī kahīñ kunj-e-ḳhayābān-e-sukūñ hai
ai dasht-e-ġham-e-zīst tirī be-shajarī meñ

tilism-e-ātish-e-ġham āzmāne vaalā ho
charāġh koī tah-e-dil jalāne vaalā ho

har ġham ko yuuñ to zabt kiye jā rahā huuñ maiñ
is ġham ko kyā karūñ ki jiye jā rahā huuñ maiñ

lo saath de chukī shab-e-hijrāñ kā zindagī
ab shām-e-ġham ko saath liye jā rahā huuñ maiñ

bhar bhar ke de rahā hai falak talḳh jām-e-ġham
kyā zauq hai balā kā piye jā rahā huuñ maiñ

pahchān liye ham ne tevar ġham-e-daurāñ ke
duniyā meñ rahā lekin dhokā nahīñ khāyā hai

naġhma hai 'nushūr' apnā afsurda-e-ġham lekin
ehsās kī mahfil meñ kuchh rañg to aayā hai

'jamīl' ik ġham-e-farosh-e-vādī-e-ġhurbat sahī lekin
tumhāre shahar meñ koī Thikāna DhūñDh hī legā

ham bhī kitāb-e-zīst ko paḌhte chale ga.e
ek ek harf-e-ġham pe aTakne ke bāvajūd

ashk-e-ġham uqda-kushā-e-ḳhalish-e-jāñ niklā
jis ko dushvār maiñ samjhā thā vo āsāñ niklā

muqābla hai ġham-o-alam kā to sāmnā rañj-o-be-kasī kā
rah-e-mohabbat meñ har qadam par nishān miltā hai zindagī kā

jahāñ se dekho fasāna-e-ġham banī huī iztirāb-e-paiham
hoñ terī nazreñ bhī jis se barham kareñge kyā aisī zindagī kā

ye ahd-e-ġham kī nahīñ hikāyat thī is se pahle bhī aisī hālat
vahīñ pe Thahrī nigāh-e-ulfat jo rañg dekhā shikastagī kā

jo dil pe paiham hai bārish-e-ġham mohabbateñ ho rahī haiñ mohkam
izāfa kartā hai zindagī meñ jo din guzartā hai zindagī kā

bayān-e-ġham kī latāfateñ haiñ mohabbatoñ kī nazākateñ haiñ
vagarna 'ehsās' sach to ye hai salīqa kyā mujh ko shā.irī kā

vo sar kaaT Dāleñ hamārā to kyā ġham
ġharaz aise hī paañv paḌte raheñge