Tags-Gham

ġham-o-dard zevar hai ham āshiqoñ kā
nagīñ daaġh ke dil meñ jaḌte raheñge

dil ko āsūdgī bhī kyūñkar ho
ġham se shīr-o-shakar nahīñ hotā

ġham uThāne kā ye andāz batātā hai 'na.īm'
ik na ik roz vafāoñ kā sila pāoge

ġham kā bādal gar baras jaa.e to ubhre āftāb
ġham-samundar

rasm-e-duniyā ajiib hai yaaro
ġham hī ġham hai yahāñ ḳhushī kaisī

adū kī shab-e-vasl sau baar sadqe
shab-e-ġham hai kitnī suhānī hamārī

zahr-e-ġham dil meñ samone bhī nahīñ detā hai
karb-e-ehsās ko khone bhī nahīñ detā hai

qissa-e-ġham agar na thā kotāh
zindagānī bhī muḳhtasar na huī

daad do mere zabt-e-ġham kī mujhe
dil bhī royā to chashm tar na huī

vo bhī vaqt aayā ki dil meñ ye ḳhayāl aane lagā
aaj un se ham ġham-e-daurāñ kā afsāna kaheñ

un kī is chīn-e-jabīñ kā kuchh taqāzā ho magar
kyā ġham-e-dil kī haqīqat ko bhī afsāna kaheñ

sahrā meñ chal ke ġham ko bhulā do uTho 'jigar'
dekho vo aa rahī hai ghaTā jhūmtī huī

pothī ḳhayāl-e-yār kī aa.ī hai jab siiñ haat
dil ke varaq pe tab setī likhtā huuñ ġham kī aañk

kahte haiñ anjām us kā maut hai
jis qadar ġham ho ḳhushī kī baat hai

ye būḌhe go ki apne muñh se shaiḳhī meñ nahīñ kahte
bharā hai aah par in sab ke dil meñ ġham javānī kā

ḳhūn-e-jigar āñkhoñ se bahāyā ġham kā sahrā paar kiyā
terī tamannā kī kyā ham ne jīvan ko āzār kiyā

az-bas-ki sikhātā hai ġham zabt ke andāze
jo daaġh nazar aayā ik chasm-numā.ī hai

use bhī jaate hue tum ne mujh se chhīn liyā
tumhārā ġham to mirī aarzū kā zevar thā

kaise tai hogī ye manzil-e-shām-e-ġham kis tarah se ho dil kī kahānī raqam
ik hathelī meñ dil ik hathelī meñ jaañ ab kahāñ kā ye sūd-o-ziyāñ dosto

tujh ko rahā na apne zar-e-ġham kā e'timād
varna ye dil to dard-e-jahāñ kā amiin thā