Tags-Gham

hamāre lahje kī larzishoñ se samajh sako to samajh bhī jaao
tumhāre ġham se lage jo dil pe vo saare tamġhe bulā rahe haiñ

yahī haal hai ka.ī saal se na qarār-e-dil na sukūn-e-jāñ
kabhī saañs ġham kī ulaT ga.ī kabhī rishta dard se kaT gayā

kitne hī ġham nikharne lagte haiñ
ek lamhe kī shādmānī se

koī bhī shaḳhs na hañgāma-e-makāñ meñ milā
har ek jalte hue ġham ke sā.ebāñ meñ milā

qubūl hai ġham-e-duniyā tire havāle se
ye bojh varna sambhaltā nahīñ sambhāle se

ġham apne hī ashkoñ kā ḳharīdā huā hai
dil apnī hī hālat kā tamāshā.ī hai dekho

masrūf-e-ġham haiñ kaun-o-makāñ jāgte raho
ḳhvāboñ se uTh rahā hai dhuāñ jāgte raho

ik umr fasāne ġham-e-jānāñ ke gaḌhe haiñ
taare ufuq-e-sher pe kyā kyā na jaḌe haiñ

chhoḌ ke kārvān-e-shauq manzil-e-ġham pe kar qayām
misl-e-ġhubār-e-kārvāñ phirtā hai dar-ba-dar kahāñ

guuñj uThī ġham-kada-e-rūh meñ us kī āvāz
ḳhvāb meñ bahte hue chashma-e-irfāñ kī tarah

koī vahāñ ġham-e-insāñ kī baat kyā jaane
'safī' jahāñ pe hoñ izzat-ma.āb patthar ke

kahā kis ne ki ġham-ḳhvārī karegā
vo banda bas adākārī karegā

hai is nigah kā karishma ki mere dil kā hunar
maiñ us ke ġham kā shanāsā bayāñ se pahle thā

naale kiye chupke chupke ro.e
kyā kyā ġham yaar kī ḳhushī kī

har ek chiiz kī āñkhoñ se ḳhuun jaarī hai
tamām ḳhalq-e-ḳhudā ġham-zada lage hai mujhe

shāḳh se kaT kar alag hone kā ham ko ġham nahīñ
phuul haiñ ḳhushbū luTā kar ḳhaak ho jā.eñge ham

kaun sā ġham hai mire dil meñ jo mehmān nahīñ
mujh pe kam ye bhī mire yāroñ kā ehsān nahīñ

aao mil baiTh ke ham baañT leñ bār-e-ġham-e-dil
fā.eda sab kā hai is meñ koī nuqsān nahīñ

ġham ke sailāb meñ ham Dūbte itrāte haiñ
kabhī us paar to is paar nikal aate haiñ

ġham meñ Duubī huī bad-hāl sī sachchā.ī par
laḌkhaḌāte hue ash.ār nikal aate haiñ