Tags-Gham

donoñ aalam haiñ jis ke zer-e-nagīñ
dil usī ġham kī rājdhānī hai

dil mirā aur ye ġham-e-duniyā
kyā tire ġham kī pāsbānī hai

kyuuñ na ho ġham se hī qimāsh us kā
husn tasvīr-e-shādmānī hai

mirī hayāt ko be-rabt baab rahne de
varaq varaq yuuñ hī ġham kī kitāb rahne de

ik ishāra bhī agar ho jaa.e
is shab-e-ġham kī sahar ho jaa.e

ham-nafas mutlaq bhī tūfān-e-alam kā ġham nahīñ
bahr kī har mauj ko sāhil banā saktā huuñ maiñ

mustarad daftar-e-tarab meñ huā
ek ummīd-vār-e-ġham bezār

mizāj-e-ġham ne bahar-taur mashġhale DhūñDe
ki dil dukhā to koī kām-vām maiñ ne kiyā

ġham-e-firāq meñ lazzat sahī magar 'aslam'
mirī hayāt mirā ḳhūñ-bahā na ho jaa.e

mire ba.ad sahegā na koī bhī ġham na uThegā kisī se ye rañj-o-alam
karo tark tum aaj se zulm-o-sitam tumheñ apnī hī mehr-o-vafā kī qasam

vo rahīn-e-lazzat-e-ġham huuñ maiñ na milī azal meñ jise tarab
maiñ hī us karam kā thā muntazir maiñ hī mustahiq thā magar nahīñ

kaho sham.a se ki ye naql kyā koī apnā qissa-e-ġham kahe
kare ab fasāne ko muḳhtasar ki mujhe umīd-e-sahar nahīñ

ḳhushī ne haath baḌhāyā thā merī jānib bhī
magar vahāñ jahāñ har shaḳhs ġham-kuninda thā

raas aatī nahīñ ḳhushī us ko
jis ko ġham nāgavār hotā hai

kal shab-e-māhtāb meñ ik bulbul-e-āfat-navā
markaz-e-ġham ban rahā thā raat bhar mere liye

jinheñ kahiye ishq kī vus.ateñ jo haiñ ḳhaas husn kī azmateñ
ye usī ke qalb se pūchhiye jise faḳhr ho ġham-e-yār par

mire ashk-e-ḳhūñ kī bahār hai ki muraqqa-e-ġham-e-yār hai
mirī shā.irī bhī nisār hai mirī chashm-e-sehr-nigār par

mirī samt se use ai sabā ye payām-e-āḳhir-e-ġham sunā
abhī dekhnā ho to dekh jā ki ḳhizāñ hai apnī bahār par

maiñ rahīn-e-dard sahī magar mujhe aur chāhiye kyā 'jigar'
ġham-e-yār hai mirā shefta maiñ farefta ġham-e-yār par

chaar din meñ hī thak ga.e the qadam
phir milā ġham kā aasrā mujh ko