Tags-Gham

ḳhum ba ḳhum chhalke tirī sahbā nasha qaa.im rahe
lazzat-e-zahrāb ġham se kab huā thā āshnā

kuchh baḌhā kar maiñ ne bahr-e-sharh-e-ġham
chaak ko unvān-e-dāmāñ kar diyā

kahāñ hai fursat nashāt o ġham kī ki ḳhud ko tasḳhīr kar rahā huuñ
lahū meñ girdāb Dāltā huuñ nafas ko shamshīr kar rahā huuñ

ḳhudā rakkhe tire ġham kā bahut nāzuk zamāna hai
sahar dekheñ na dekheñ shām-e-hijrāñ dekhne vaale

zaḳhm-ḳhurda haiñ taḳhayyul kī uḌāneñ terī
tere gītoñ meñ tirī ruuh ke ġham palte haiñ

rote haiñ jab bhī ham december meñ
jam se jaate haiñ ġham december meñ

kis kā ġham khaa.e jā rahā hai tumheñ
aañkh kyuuñ hai ye nam december meñ

mad.hosh kahīñ ġham kī sharāboñ meñ mileñge
fankār haiñ ham ḳhāna-ḳharāboñ meñ mileñge

phir is ke ba.ad patthar ho gayā ā.ankhoñ kā paanī
jab apne ġham meñ rone se kiyā inkār maiñ ne

sirf ḳhushiyoñ ko patā terā batā detī huuñ
ġham ko terā maiñ patā duuñ ye kahāñ mumkin hai

bahut dushvār samjhānā hai ġham kā
samajh lene meñ dushvārī nahīñ hai

tumheñ ye ġham satā rahā hai aaj bhī
ġhalat ghaḌī meñ niiñd tum ko aa ga.ī

go zaḳhmī haiñ ham par use kyā ġham hai hamārā
ab tak bhī na paTTī hai na marham hai hamārā

umīd-e-vāda-e-fardā na mujh ko dilvāo
maiñ ġham-nasīb huuñ yaaro mujhe fareb na do

'mushtāq' ġham ko paas na aane de zīnhār
ḳhush ḳhush guzār zindagī-e-musta.ār ko

jis ḳhushī ko na ho qayām-o-davām
ġham se bad-tar hai vo ḳhushī hī nahīñ