Tags-Gham

ba-qadr-e-zauq mere ashk-e-ġham kī tarjumānī hai
koī kahtā hai motī hai koī kahtā hai paanī hai

dariyā-dil vo ke hameñ sauñp dī ġham kī jāgīr
ḳhud-ġharaz ham use hissa bhī nahīñ de sakte

chaman kī āzādiyāñ mo.aḳhḳhar tasavvur-e-āshiyāñ muqaddam
ġham-e-asīrī hai nā-mukammal agar ġham-e-ḳhār-o-ḳhas nahīñ hai

vufūr-e-zof se dil yaar par nahīñ aatā
ġham-e-firāq meñ jiinā nazar nahīñ aatā

chhuT aah pichhe kaun mire dard kā ahvāl
mujh dukh kī ḳhabar lene vo ġham-ḳhvār na aayā

dil meñ kuchh yuuñ sambhāltā huuñ ġham
jaise zevar sambhāltā hai koī

kushta-e-zahr-e-ġham-e-hijr nahīñ tū to 'hasan'
laḳht-e-dil kyuuñ tire ashkoñ meñ hare aate haiñ

dil gayā hosh gayā sabr gayā jī bhī gayā
shaġhl meñ ġham ke tire ham se gayā kyā kyā kuchh

hasrat-e-vasl-o-ġham-e-hijr-o-ḳhayāl-e-ruḳh-e-dost
mar gayā maiñ pe mire jī meñ rahā kyā kyā kuchh

dard-e-dil zaḳhm-e-jigar kulfat-e-ġham dāġh-e-firāq
aah aalam se mire saath chalā kyā kyā kuchh

yahī ġham hai ki 'nāzir' merī aaheñ
nikal kar ghar se bāhar ho ga.ī haiñ

gulshan kī faqat phūloñ se nahīñ kāñToñ se bhī zīnat hotī hai
jiine ke liye is duniyā meñ ġham kī bhī zarūrat hotī hai

vo pursish-e-ġham ko aa.e haiñ kuchh kah na sakūñ chup rah na sakūñ
ḳhāmosh rahūñ to mushkil hai kah duuñ to shikāyat hotī hai

mire saath chalne vaale tujhe kyā milā safar meñ
vahī dukh-bharī zamīñ hai vahī ġham kā āsmāñ hai

ġham-e-vidā.a meñ pinhāñ thā aur bhī ik ġham
ki dil se shauq-e-mulāqāt-e-bārhā bhī gayā

sharīk-e-ḳhalvat-e-ḳhūñ-bār thoḌī hotā hai
ye shahr ġham kaa, nigah-dār thoḌī hotā hai

ik aag ġham-e-tanhā.ī kī jo saare badan meñ phail ga.ī
jab jism hī saarā jaltā ho phir dāman-e-dil ko bachā.eñ kyā

ik niiñd kā jhoñkā shab-e-ġham aa to gayā thā
ab vo tire dāman kī havā ho ki sabā ho

dayār-e-ġham ko miTā kar basā jahān-e-ḳhushī
na.ī fazā na.e lail-o-nahār paidā kar