Tags-Gham

suḳhan rāz-e-nashāt-o-ġham kā parda ho hī jaatā hai
ġhazal kah leñ to jī kā bojh halkā ho hī jaatā hai

hameñ to umr-bhar kā ġham ki aisā kyuuñ huā hogā
hameñ ab kaun samjhā.e ki aisā ho hī jaatā hai

na ro yuuñ 'shāz' āñkheñ jo dikhā.eñ dekhte jaao
na itnā ġham karo ye dil hai sahrā ho hī jaatā hai

ġham ke pīchhe maare maare phirnā kyā
ye daulat to ghar baiThe aa jaatī hai

ye ġham nahīñ hai ki ham donoñ ek ho na sake
ye rañj hai ki koī darmiyān meñ bhī na thā

nuur tū mujh se farāvāñ huā mahfil mahfil
ġham nahīñ sham-e-sifat maiñ ne jalāyā ḳhud ko

kyā ġham jo falak se koī utrā na sar-e-ḳhāk
juz ḳhaak nahīñ koī yahāñ chāra-gar-e-ḳhāk

kabhī samt-e-ġhaib siiñ kyā huā ki chaman zuhūr kā jal gayā
magar ek shāḳh-e-nihāl-e-ġham jise dil kaho so harī rahī

ā.ankhoñ meñ tire ġham kā hai hañstā huā mausam
dil meñ tirī yādoñ kī harī fasl khaḌī hai

nā-kām mohabbat huuñ maiñ ai 'rāz' to kyā ġham
ye baat bhī har ek ko hāsil nahīñ hotī

pursish-e-ġham kī sabhī rasm haiñ baaqī lekin
in charāġhoñ meñ ujālā nahīñ dekhā jaatā

ik maiñ ki ek ġham kā taqāzā na kar sakā
ik vo ki us ne maañg liye apne ḳhvāb tak

tū lafz lafz lazzat-e-hijrāñ meñ hai abhī
ham aa ga.e haiñ hijrat-e-ġham ke nisāb tak

āsār-e-ahd-e-ġham haiñ tah-e-reg-e-jāñ ki tū
pahuñchā nahīñ abhī dil-e-ḳhāna-ḳharāb tak

ġham añdhere kā nahīñ 'dānish' magar
vaqt se pahle añdherā ho gayā

ġham musībat meñ saath detā hai
kaash ho phir se hādisa koī

faqr kyā hai ba-dost pevastan
ġham kā irfāñ hai āgahī kyā hai

tosha-e-rāh-e-ishq hai andoh
ġham diloñ ko qarīb laatā hai

jise kahiye raqs-e-sharār-e-ġham vo agar ho shāmil-e-ġham to phir
ġham-e-dil ho yā ġham-e-zindagī ġham-e-kā.enāt se kam nahīñ

ḳhudā ke vāste tum aa bhī jaao
tumhārā ġham rulā.e jā rahā hai