Tags-Gham

jigar meñ dard to hai dil meñ iztirāb to hai
tumhāre ġham meñ mirī zindagī ḳharāb to hai

kal koī shaḳhs sar-e-rāh ye detā thā sadā
ho sake to ġham-e-daurāñ kā mudāvā karnā

abhī vahīñ se kisī ke ġham kī sadā uThegī
usī darīche pe kaan apne lagā.e rakho

saarī duniyā ke ranj-o-ġham de kar
muskurāne kī baat karte ho

koī lamha to sukūt-e-shab-e-ġham Thahre bhī
vādī-e-surḳh meñ ab dard kā lashkar na rahā

shabnam shabnam pighlī pighlī yādeñ haiñ
merā ġham to sahrā DhūñDhtā rahtā hai

ġham-e-bahār o ġham-e-yār hī nahīñ sab kuchh
ġham-e-jahāñ se bhī dil ko lagā ke dekh zarā

sulgī huī hai ġham kī bhaTTī dil kyuuñ na pighal ke bane paanī
jo qatra aañsū ho ke bahā lahrā ke chalā teyorā ke girā

tirā ḳhayāl bhī hai vaz-e-ġham kā paas bhī hai
magar ye baat ki duniyā nazar-shanās bhī hai

pūchho na kuchh kaTe hai ab auqāt kis tarah
hai ye hī ġham ki ā.eñge vo haat kis tarah

ḳhushī yaad aa.ī na ġham yaad aa.e
mohabbat ke naaz o ni.am yaad aa.e

ġham rahe pinhāñ dar o dīvār dil ke darmiyāñ
kyā zarūrī hai ki karb-e-zīst kī tash.hīr ho

ai ġham-e-yār tirī rāhoñ se
umr-bhar soḳhta-sāmāñ guzre

ġham-e-hastī ke bayābānoñ se
kuchh hamīñ the jo ġhazal-ḳhvāñ guzre

ġham ke tārīk ufuq par 'ābid'
kuchh sitāre sar-e-mizhgāñ guzre

ġham-e-dil kisī se chhupānā paḌegā
ghaḌī do ghaḌī muskurānā paḌegā

kahne vaale ne kahā dekh ke chehra merā
ġham-e-ḳhazāna hai ise sab se chhupānā mire dost

ḳhushī jiine kī kyā marne kā ġham kyā
hamārī zindagī kyā aur ham kyā

ġham kī tahzīb aziyyat kā qarīna sīkheñ
aao is shahr meñ jiinā hai to jiinā sīkheñ

ek vahshat hī matā.a-e-ġham-e-jānāñ niklī
lutf-e-dildārī-e-ġham-ḳhvār bhī baaqī na rahā