Tags-Gham

vo ḳhafā jo ham se hai ġhuncha-lab to hamārī shakl ye hai ki ab
kabhī rañj-e-dil kabhī āh-e-jāñ kabhī chashm-e-ġham se pur-āb hai

ai 'sabā' kīmiya-e-ġham ke liye
zindagī ḳhaak meñ milā dī hai

is ġham-e-daurāñ kī tārīkī meñ ai jān-e-sahar
dil hamārā kho gayā hai dil hamārā DhūñDhnā

ai shab-e-ġham chhoḌ de dāman-sarā hai ab mujhe
niiñd se uThnā vo ḳhvābīda sharāra DhūñDhnā

ġham-zada zindagī rahī na rahī
ḳhush rahe ham ḳhushī rahī na rahī

apne markaz pe aa gayā huuñ 'harī'
ġham nahīñ zindagī rahī na rahī

chale aate haiñ chupke se ḳhayāloñ ke mah o anjum
mirī tārīk rātoñ ko bahut ġham-ḳhvār milte haiñ

ab tum milīñ to kitne hī ġham haiñ tumhāre saath
patthar kī tarah tum ne gizārī hai zindagī

be-had ġham haiñ jin meñ avval umr guzar jaane kā ġham
har ḳhvāhish kā dhīre dhīre dil se utar jaane kā ġham

har tafsīl meñ jaane vaalā zehn savāl kī zad par hai
har tashrīh ke pīchhe hai anjām se Dar jaane kā ġham

jaane kab kis par khul jaa.e shahr-e-fanā kā darvāza
jaane kab kis ko aa ghere apne mar jaane kā ġham

ye jo bhiiḌ hai be-hāloñ kī dauḌ hai chand nivāloñ kī
nān-o-namak kā bojh liye jaldī se ghar jaane kā ġham

dariyā paar utarne vaale ye bhī jaan nahīñ paa.e
kise kināre par le Duubā paar utar jaane kā ġham

'azm' udāsī kā ye sahrā yuuñ qadmoñ se lipTā hai
jalne vāloñ ko mil jaa.e jaise Thahar jaane kā ġham

hamāre jaan o dil siiñ ġham neñ zid kī
huā dil tañg va jaame meñ paḌā jhol

mire aiboñ ko ginvāyā to sab ne
kisī ne merī ġham-ḳhvārī nahīñ kī

maqām-e-zabt ġham-e-ishq meñ vo paidā kar
ki tū ḳhushī ko na tarse tujhe ḳhushī tarse

mujhe sat.h-e-ġham par abhī tairne do
maiñ Duubā to Duubā taġhazzul kā taarā

ġham-zada haiñ mubtalā-e-dard haiñ nāshād haiñ
ham kisī afsāna-e-ġhamnāk ke afrād haiñ

jise mil jaa.e tere ġham kī daulat
ġham-e-duniyā se us ko vāsta kyā