Tags-Gham

tum itnā jo muskurā rahe ho
kyā ġham hai jis ko chhupā rahe ho

dard añgūr kī bel the phal ga.e
ġham-kashoñ ke liye talḳhiyāñ rah ga.iiñ

chehra chehra ġham hai apne manzar meñ
aur āñkhoñ ke pīchhe ek numā.ish hai

ġham-e-firāq meñ ai āsmāñ nahīñ mauqūf
vo jo suhā.eñ mujhe mujh ko har tarah sahnā

ye roz o shab kā tasalsul ravāñ-davāñ hī rahā
ye ġham-rasīdoñ kī taqdīr meñ ziyāñ hī rahā

āñkhoñ meñ chubh ga.iiñ tirī yādoñ kī kirchiyāñ
kāñdhoñ pe ġham kī shaal hai aur chāñd-rāt hai

laakh ġham-e-zindagī hai ḳhud ya.anī
laakh ġham-e-zindagī se milte haiñ

iḳhlās se aarī hai ab pursish-e-ġham ai dil
ye rasm hī duniyā se uTh jaa.e to achchhā hai

bāvajūd-e-ġham musalsal qahqahe ai nā-murād
kārvān-e-zindagī ke saath chalnā chāhiye

ai bulbul-e-dil yuuñ ġham pī kar mat chahak ki ab lab ko sī le
sab saaz burīda-hāl hue ab raag purānā mushkil hai

ye sāġhar-e-ġham kī gardish hai sahbā-e-tarab kā daur hai ye
kyā ḳhuub nayā andāz hai ye! kyā ḳhuub nirālā taur hai ye

ranj-o-ġham māñge hai andoh-o-balā māñge hai
dil vo mujrim hai ki ḳhud apnī sazā māñge hai

bāñsurī kā koī naġhma na sahī chīḳh sahī
har sukūt-e-shab-e-ġham koī sadā māñge hai

baḌī shafīq, baḌī ġham-shanās lagtī haiñ
tumhāre shahr kī galiyāñ udaas lagtī haiñ

siine meñ mire dāġh-e-ġham-e-ishq-e-nabī hai
ik gauhar-e-nāyāb mire haath lagā hai

sargarm hai dil shāfa-e-mahshar kī talab meñ
kāfir huuñ agar kuchh bhī ġham-e-roz-e-jazā hai

kahte haiñ dār-e-mehan hai ye jahān-e-fānī
kaun vo shaḳhs hai jin ne ki na ġham dekhā hai

zulmat-e-ġham meñ tajallī kā samāñ ho shāyad
aaj ham apne nasheman ko jalā kar dekheñ

hamāre ḳhuuñ se nikhar jaa.e ġham to kyā kahnā
baḌhāo dast-e-sitam daar par chaḌhāo hameñ

chal diye sab dost mujh ko Dūbtā hī chhoḌ kar
ġham baTāne ke liye dariyā kā paanī rah gayā