Tags-Gham

huā ḳhāmosh ye 'maġhmūm' kaise
hai nā-mumkin ki us ko ġham nahīñ hai

jism us ke ġham meñ zard-az-nā-tavānī ho gayā
jāma-e-uryānī apnā za.afrānī ho gayā

bhūle-bisre hue ġham phir ubhar aate haiñ ka.ī
ā.īna dekheñ to chehre nazar aate haiñ ka.ī

laakh chhupo sāya-e-gesū-e-shab-rañg meñ
mil nahīñ saktī magar ġham se amaañ dosto

bas isī baat se ġham-zada bas isī baat kā dukh hameñ
dūsroñ se yuuñ milte hue mere apne alag ho ga.e

shikāyat hai ġham-e-daurāñ ko mujh se
ki dil meñ kyuuñ tirā ġham pal rahā hai

bhuul kar tū saare ġham apne chaman meñ raqs kar
jaag ai darvesh-e-jāñ mere badan meñ raqs kar

tū garebāñ-chāk jo niklā hai ġham kī bhiiḌ meñ
jā chalā jā chhoḌ sab tū us ke man meñ raqs kar

ġham-e-dildār ne rag rag kā lahū chuus liyā
mujh se ab chheḌ tū ai nashtar-e-faulād na kar

jab unhī ko na sunā paa.e ġham-e-jāñ apnā
chup lagī aisī ki ḳhud ho ga.e zindāñ apnā

ashk-e-gul-rañg nisār-e-ġham-e-jānāna kareñ
aaj terī hī ḳhushī ai dil-e-dīvāna kareñ

taaki āsūda-e-hirmāñ dil-e-ġham-kosh na ho
do ghaḌī zikr-e-mai-o-sāqī-o-paimāna kareñ

har roz ḳhushī hai shab-e-ġham se pāmāl
ḳhālī kā hai chāñd ba.ad shahr-e-shavvāl

har ek lamha-e-ġham bahr-e-be-karāñ kī tarah
kisī kā dhyān hai aise meñ bādbāñ kī tarah

aag meñ ġham kī ho ke gudāzāñ jism huā sab paanī sā
ya.anī bin in shola-ruḳhoñ ke ḳhuub hī ham bhī taa.e ga.e

jumbish-e-mizhgāñ meñ ġhaltāñ sāz-e-ġham kā zer o bam
ḳhāmushī meñ par-fishāñ īfā-e-paimāñ kī qasam

nahīñ ma.alūm thā ġhaul-e-raqībāñ saath chaltā hai
na koī haal pūchhegā na ġham-ḳhvārī kabhī hogī

ḳhushī jo ġham se mil ga.ī to phuul aag ho ga.e
junūn-e-bandagī ne ḳhud-nigāh kar diyā mujhe

ḳhush bahut thā ek lamha shādmānī dekh kar
ġham huā mujh ko yuuñ ġham kī tarjumānī dekh kar

lā.ūñ kahāñ se un ke liye aur ġham-gusār
jo ġham diye haiñ mujh ko mire ġham-gusār ne