Tags-Gham

na vo his kisī meñ na taab hai mirā ġham to ḳhair uThā.e kaun
vo jo misra ġham kā thā tarjumāñ koī us ko bhī na uThā sakā

tarjumān-e-ġham-e-dil kaun hai ashkoñ ke sivā
ik yahī tār-e-shikasta to mire saaz meñ hai

kaun jaane ki ik tabassum se
kitne mafhūm-e-ġham nikalte haiñ

tumhī ho jis se milī mujh ko shān-e-istiġhnā
ki merā ġham bhī tumhī ġham ke rāz-dāñ bhī tumhī

huī ḳhatm ġham kī āñdhī vahī dil kī lau hai ab bhī
yahī sho.ala thā vo sho.ala ki laḌā kiyā havā se

ye ḳhayāl ḳhud hai aisā jo ḳhushī banā de ġham ko
ki hai ibtidā ḳhushī kī mire ġham kī intihā se

kise ḳhabar thī ki mai-parastoñ ko un kī ḳhātir aziiz hogā
vo zahr-e-ġham jo na thā gavārā vo zahr-e-ġham jo piyā kiye haiñ

ḳhudā hai shāhid ki zindagī meñ vo sajda-hā-e-ġham-e-mohabbat
qazā hue the jo gāhe-gāhe ba-shart-e-fursat adā kiye haiñ

uThāo miinā ki shām-e-ġham ko sahar ke anvār se badal deñ
ye dāġh-e-hasrat to be-takalluf jalā kareñge jalā kiye haiñ

har nafs sail-e-havādis har qadam amvāj-e-ġham
zindagī is daur meñ tūfāñ hī tūfāñ ho ga.ī

soz-e-dil dard-e-jigar ḳhūn-e-tamannā ashk-e-ġham
ek laġhzish kitne afsānoñ kā unvāñ ho ga.ī

jāñ-sapārī ke bhī armāñ zindagī kī aas bhī
hifz-e-nāmūs-e-alam bhī nīsh-e-ġham kā paas bhī

itnī sī aañkh ne ġham kitnā uThā liyā hai
kashtī ne apne andar dariyā uThā liyā hai

ashk-e-ġham uqda-kushā-e-ḳhalish-e-jāñ niklā
jis ko dushvār maiñ samjhā thā vo āsāñ niklā

vaqt kā ye moḌ kaisā hai ki tujh se mil ke bhī
tujh ko kho dene kā ġham kuchh aur gahrā ho gayā

adh-khulī aañkh meñ raqsāñ hai ġham-e-mustaqbil
band ho aañkh to gum-gashta zamāne khul jaa.eñ

har ġham ġham-e-tāza hai ye shādāb hai siina
aisā bhī to is daur meñ nāyāb hai siina

kar rahā thā ġham-e-jahāñ kā hisāb
aaj tum yaad be-hisāb aa.e

na ga.ī tere ġham kī sardārī
dil meñ yuuñ roz inqalāb aa.e

husn-e-ma.asūm agar rāz-e-nihāñ tak pahuñche
ġham kā me.aar ḳhudā jaane kahāñ tak pahuñche