Tags-Gham

mire baa'd sāñseñ bhī khoyā karegā
tū bār-e-ġham-e-ishq Dhoyā karegā

ġham bhī utnā nahīñ ki tum se kaheñ
aur chāra nahīñ ki tum se kaheñ

ab na vo ġham ki apne haath 'obaid'
shabnam-āsā nahīñ ki tum se kaheñ

kyoñ mirī qismat meñ us ne dard-o-ġham kuchh kam likhe
pūchh lūñgā maiñ ḳhudā se gar kabhī mujh ko mile

na vo taḌap rahī dil meñ na vo rahī sozish
ilaaj kyā thā ye kyā tū ne ġham-gusār kiyā

ham mudāvā apne ġham kā is liye karte nahīñ
ḳhud masīhā hone kā da.avā na ho jaa.e kahīñ

atā-e-ġham pe bhī ḳhush huuñ mirī ḳhushī kyā hai
razā talab jo nahīñ hai vo bandagī kyā hai

is par bhī nigāh-e-karam ai fātir-e-hastī
'zauqī' hai rahīn-e-ġham-o-ālām abhī tak

umr ke jazīre par
ġham kī hukmarānī hai

ġham-hā-e-rozgār se fursat nahīñ mujhe
maiñ kaise kah duuñ tum se mohabbat nahīñ mujhe

ham ġham-zada haiñ laa.eñ kahāñ se ḳhushī ke giit
deñge vahī jo pā.eñge is zindagī se ham

hikāyat-e-husn-e-yār likhnā hadīs-e-mīnā-o-jām kahnā
abhī vahī kār-e-āshiqāñ hai sukūt-e-ġham kā kalām kahnā

agar tirī āstīn-e-tar ko ḳhabar nahīñ dāstān-e-ġham kī
zamāna unvān-e-tāza-tar se sunā gayā nā-tamām kahnā

be-sabab aaj aañkh pur-nam hai
jaane kis baat kā mujhe ġham hai

dāman-e-dil meñ sameTe haiñ abhī tūfāñ ka.ī
sail-e-ashk-o-nāla-e-ġham ho ga.e haiñ kam kahāñ

hai ḳhushī bhī ajiib shai lekin
ġham baḌe dil-pazīr hote haiñ

agar savāl vo kartā javāb kyā letā
ye ġham usī ne diyā thā hisāb kyā letā

tai kahāñ hotī hai rāh-e-safar-e-nā-ma.alūm
ġham hai yuuñ dīda-e-hairān ki jī jāntā hai

phūlī hai shafaq go ki abhī shaam nahīñ hai
hai dil meñ vo ġham jis kā koī naam nahīñ hai

uchhāl kar kashtī-e-shikasta kināre maujoñ ne pheñk dī hai
baḌā hī shohra thā bahr-e-ġham kā par us ko bhī be-karāñ na dekhā