Tags-Gham

tū aa ai ātish-e-barq-e-ġham-e-yār
mirā ye ḳhirman-e-hastī jalā jā

ġham ke har ik rañg se mujh ko shanāsā kar gayā
vo mirā mohsin mujhe patthar se hiirā kar gayā

hamāre nākām tajraboñ kī kisī ko koī ḳhushī nahīñ thī
hameñ buzurgoñ kī rā.egānī kā ġham nahīñ hai to kyā ġhalat hai

pī chuke the zahr-e-ġham ḳhasta-jāñ paḌe the ham chain thā
phir kisī tamannā ne saañp kī tarah ham ko Das liyā

terā ġham hai jo likhvātā rahtā hai
varna mujh meñ kab itnī fankārī hai

jo dil tere ġham kā nishāna bhī hai
qatīl-e-jafā-e-zamāna bhī hai

dekh in āñkhoñ se kyā jal-thal kar rakkhā hai
ġham sī aag ko ham ne bādal kar rakkhā hai

bahr-e-ġham hai aur dil-e-ḳhalvat-pasand
baada hī baada hai aur gahrā.iyāñ

lafz abhī ījād hoñge har zarūrat ke liye
sharh-e-rāhat ke liye ġham kī sarāhat ke liye

istaqāmat ai mire dair-āshnā-e-ġham-gusār
ek aañsū hai bahut husn-e-nadāmat ke liye

tāsīr-e-sozish-e-ġham-e-pinhāñ ko kyā karūñ
rañg-e-parīda-e-ruḳh-e-jānāñ ko kyā karūñ

paidā yahīñ se merā nasheman bhī ho to jaa.e
be-e'tibārī-e-ġham-e-zindāñ ko kyā karūñ

itnā batā chuke haiñ ki kundan banā diyā
sho.aloñ meñ ġham ke ham ne nikhārī hai zindagī

mahv-e-hairat huuñ ḳharāsh-e-dast-e-ġham ko dekh kar
zaḳhm chehre par haiñ yā hai ā.īna TuuTā huā

vo bāzyābī-e-ġham kī sabīl bhī na rahī
luTā yuuñ dil ki sabhī be-sabātiyāñ bhī ga.iiñ

dil ne ġham se shikast khaa.ī hai
umr-e-rafta tirī duhā.ī hai

ġham kā sūraj vo de gayā tujh ko
chāhe ab din banā ki raat banā

dil kī uftād-e-tabī.at ko bhalā rokegā kaun
phir kisī ġham meñ kisī din mubtalā ho jā.egā