Tags-Gham

mustaqil mahv-e-ġham-e-ahd-e-guzishta honā
aise hone se to behtar hai na dil kā honā

ham mānte haiñ aap baḌe ġham-gusār haiñ
lekin ye āstīn meñ kyā hai dikhā.iye

go ġham aziiz hai mujhe tere firāq kā
phir bhī is imtihān kā shikva karūñgā maiñ

sukūt-e-shab meñ ham ne ek rañgīñ ḳhvāb dekhā thā
masarrat jāvedāñ hogī agar ta.abīr-e-ġham nikle

har ek ġham hai tar-o-tāza pahle din kī tarah
amānateñ koī yuuñ bhī sambhāl ke dekhe

kahīñ jo azm zarā hausla nikal aa.e
fasīl-e-ġham se nayā rāstā nikal aa.e

hai roz bārgah-e-dil meñ aag par mātam
ye ġham manānā azā-dār tere bas meñ nahīñ

aasrā harf-e-duā ġham se mafar hone tak
sabr bhī chāhiye ab us meñ asar hone tak

maiñ bhī ban jā.ūñ shab-e-ġham koī nanhā bachcha
jo ki kho jaatā hai ḳhvāboñ meñ sahar hone tak

ġham-e-hayāt ne āvāra kar diyā varna
thī aarzū ki tire dar pe sub.h o shaam kareñ

hañsī-ḳhushī kī rafāqat kisī se kyā chāheñ
yahāñ to miltā nahīñ koī ġham-gusār se kam

ab ham pe jo aa.ī to kisī taur na guzrī
sunte the shab-e-ġham kī tavālat hai sahar tak

ġham to hai ain-e-zindagī lekin
ġham-gusāroñ ne maar Daalā hai

sher naġhma shaguftagī mastī
ġham kā jo ruup hai nirālā hai

mirī zindagī mahram-e-ġham hai 'tābish'
nafas ko ba-rañg-e-fuġhāñ dekhtā huuñ

vo vasl ki jis ne ham donoñ ko yaksar be-buniyād kiyā
ab fursat hai aa mil baiTheñ us vasl kā ġham karne ke liye

pās-e-pindār-e-tabī.at dil agar rakh le to kyā
hai vajūd-e-dard mohkam zabt-e-ġham kar le to kyā

ḳhafā ho ke ai 'dard' mar to chalā tū
kahāñ tak ġham apnā chhupātā rahegā

yak-gūna be-ḳhudī ko hī ab DhūñDhtā hai dil
ġham aur ḳhushī kā bojh barābar hai kyā karūñ

ḳhushā ki aur milā ġham kā tāziyāna hameñ
ḳhushā vo dard jo chhāyā hai naġhmagī ban kar