Tags-Ghar

apne gharoñ se duur banoñ meñ phirte hue āvāra logo
kabhī kabhī jab vaqt mile to apne ghar bhī jaate rahnā

jam.a the raat mire ghar tire Thukrā.e hue
ek dargāh pe sab rāñda-e-dargāh mile

ghar pahuñchne kī na jaldī na tamannā hai koī
jis ne milnā ho mujhe aa.e sar-e-rāh mile

isī par ḳhush haiñ ki ik dūsre ke saath rahte haiñ
abhī tanhā.ī kā matlab nahīñ samjhe haiñ ghar vaale

gharoñ meñ the to vus.at dasht kī ham ko bulātī thī
magar ab dasht meñ aa.e to yaad aate haiñ ghar vaale

ab to ghar se bāhar jaane do
chipak gayā hai khiḌkī par manzar

milī thiiñ phir bhī vo dīvāreñ ajnabī ban kar
agarche shaam se pahle hī ghar ga.e the ham

dil se agar kabhī tirā armān jā.egā
ghar ko lagā ke aag ye mehmān jā.egā

palaT kar yuuñ nahīñ dekhā mabādā sirf malba ho
mirī yādoñ meñ zinda haiñ vo ghar vo dar vo chaubāre

jhulse badan ko dekh ke katrā rahā hai vo
jis ke maiñ ghar kī aag bujhāne meñ jal gayā

zindagī chāhiye jañgal meñ bhī kuchh ḳhauf nahīñ
ai junūñ sher kā āḳhir kabhī ghar thā apnā

mātam bhī ho hī jā.egā mar ke to dekhiye
itne bahut se log haiñ itne bahut se ghar

ehtimām-e-zindagī se haiñ ye sab naqsh o nigār
varna ghar kuchh bhī nahīñ dīvār-o-dar kuchh bhī nahīñ

ghar meñ apne saath jab rakkhoge 'āmir' dekhnā
jis ko tum kahte ho ab rashk-e-qamar kuchh bhī nahīñ

nuqsāñ nahīñ junūñ meñ balā se ho ghar ḳharāb
sau gaz zamīñ ke badle bayābāñ girāñ nahīñ

dil churā le ga.ī duzdīda-nazar dekh liyā
ham na kahte the ki us chor ne ghar dekh liyā

qad bhī kam umr bhī kam mashq-e-sitam aur bhī kam
kar chuke qatl mujhe jā.iye ghar dekh liyā

kabhī dīvār ko tarse kabhī dar ko tarse
ham hue ḳhāna-ba-dosh aise ki ghar ko tarse

suntā huuñ adū ko ḳhaak kiyā miTTī meñ milāyā ghar us kā
phūñkā na jalā kar mujh ko agar tū ai shab-e-hijrāñ kuchh na kiyā

jā ke ghar jhūToñ na pūchhī baat tak
bas tirī jhūTī mohabbat dekh lī