Tags-Ghar

charāġh ghar kā ho mahfil kā ho ki mandir kā
havā ke paas koī maslahat nahīñ hotī

jidhar bhī jā.ūñ yahī silsila nikaltā hai
tumhāre ghar kī taraf rāsta nikaltā hai

har manzil meñ har raste meñ sach apne kaam aayā hai
ham ne jhūTe logoñ ko aksar ghar tak pahuñchāyā hai

vo jo diyā raushan hī nahīñ hai us ke liye rahmat kaisī
kyuuñ ye tez havā kā jhoñkā ghar meñ mire dar aayā hai

us ke jaane se ye dil meñ aa.e hai rah rah ke haa.e
sab jahāñ bastā hai ik apnā hī ghar vīrāñ huā

roz-o-shab rahne lage is ghar meñ ye kāfir sanam
ka.aba-e-dil saaf apnā ab to kufristāñ huā

kal talak jo ghar ghar apnā thā so us ke dar pe aaj
niilā piilā dekh kar kyā kyā hameñ darbāñ huā

chhiḌe haiñ taar dil ke ḳhāna-barbādī ke naġhme haiñ
hamāre ghar meñ sāhib rat-jagā aisā bhī hotā hai

yuuñ mohabbat se na ham ḳhāna-ba-doshoñ ko bulā
itne saada haiñ ki ghar-bār uThā lā.eñge

ishq ke hāthoñ se juuñ farhād-o-qais
kyā kahīñ kis kis ke ghar ghāle paḌe

apne ghar meñ shaiḳh añdherī raat meñ
haath jo aave use jā le paḌe

havā kā tabsira ye sākinān-e-shahr pe thā
ajiib log haiñ paanī pe ghar banāte haiñ

nahīñ vo sham-e-mohabbat rahī to phir 'āsim'
ye kis duā se mire ghar meñ raushnī sī hai

din Dhale lauTte parindoñ ko
ghar kī khiḌkī se dekhtī thī maiñ

jāntā kaun mujh ko mere sivā
ghar ke andar bhī ajnabī thī maiñ

akelā dhuup ke lashkar meñ ghir gayā pāgal
jo sochtā thā koī sā.ebān niklegā

clifton par
ye machhlī ghar

ghar meñ vahī piilī tanhā.ī rahtī hai
dīvāroñ ke rañg badalte rahte haiñ

soch rahā huuñ jañg se pahle, jhulsī sī is bastī meñ
kaisā kaisā ghar kā mālik, kaisā kaisā mehmāñ thā

ajnabī lagne lagā hai mujhe ghar kā āñgan
kyā koī shahr-e-nigārāñ se bulātā hai mujhe