Tags-Ghar

ḳhud se mileñge soch ke ghar se haiñ nikalte
lekin kamāl ye hai ki milte bhī nahīñ haiñ

jise ham mom kā ghar jānte the
vo niklā sar-ba-sar patthar hī patthar

kaun lakīreñ khīñch rahā hai āñgan meñ
kaun hai jo is ḳhālī ghar meñ rahtā hai

kab tak maiñ ghar ke darvāze band karūñ
ḳhauf ye kaisā bām-o-dar meñ rahtā hai

ik taraf ta.assub hai ik taraf riyā-kārī
aisī be-panāhī meñ kyā sukūñ kā ghar māñgūñ

ghar darvāze se duurī par saat samundar biich
ek anjāne dushman kī hai ghaat samundar biich

mat kāTnā rasta mirā ban kar ḳhat-e-imkāñ
ai dar-ba-darī lauT ke ghar aane lagā huuñ

jis chāñd ke dīdār kī hasrat meñ hai duniyā
vo shaam Dhale ghar mire utrā hai ka.ī baar

vo ajab shaan kā ghar hai ki jahāñ par sab log
ek hī shakl ke aur ek hī sin ke dekhe

kabhī ghar hameñ bhī bulā kar to dekho
tumheñ ham tumhīñ se milāyā kareñge

ghar hamārā dhuāñ dhuāñ sā hai
khol khiḌkī ki raushnī ho jaa.e

dhabbe haiñ bahut se tīrgī ke
kin raushniyoñ meñ ghir gayā huuñ

ghar se hameñ jaane kī zarūrat nahīñ ab kuchh
bāhar kī havā aa ke batā jaatī hai sab kuchh

ab ḳharāba huā jahānābād
varna har ik qadam pe yaañ ghar thā

zamīñ kyuuñ mujh se Takrātī ufuq par
mirā ghar thā mire zaatī ufuq par

qismat meñ ḳhushī jitnī thī huī aur ġham bhī hai jitnā honā hai
ghar phūñk tamāshā dekh chuke ab jañgal jañgal ronā hai

kabhī jab zalzala aa.e
to us kī jhurjhurī sī muḳhtalif umroñ ke ghar

'rāhī' vagarna zehn hai tārīkiyoñ kā ghar
raushan ḳhayāl-o-fikr kī mash.al lahū se hai

kyūñkar yahāñ na ek hī karvaT paḌā rahūñ
hū kā maqām gor kī manzil hai ghar nahīñ

dard kā ghar huā hamārā dil
haar gul kā huā gul-e-saudā