Tags-Ghar

masnad-e-shāhī kī hasrat ham faqīroñ ko nahīñ
farsh hai ghar meñ hamāre chādar-e-mahtāb kā

ḳhālī bhī to kar ḳhāna-e-dil duniyā se
is ghar meñ mirī jaan ḳhudā aa.egā

ek hī ghar ke rahne vaale ek hī āñgan ek hī duvār
jaane kyuuñ baḌhtī jaatī hai nafrat bhaa.ī bhaa.ī meñ

koī to aisā ghar hotā jahāñ se pyaar mil jaatā
vahī begāne chehre haiñ jahāñ jaa.eñ jidhar jaa.eñ

hameñ ḳhabar hai ki apne ghar ke charāġh koī ghaḌī haiñ lekin
hameñ yaqīñ hai ki raushnī kī naved sunñe talak jaleñge

kaun sī shab mujh ko hogī lailatul-qadr ai ḳhudā
dekhiye tashrīf vo kis din mire ghar lā.eñge

sar meñ ek saudā thā bām-o-dar banāne kā
aaj tak nahīñ sochā ham ne ghar banāne kā

koī to laash hai mere havāle
jo murda ghar meñ rahnā paḌ rahā hai

apne darvāze pe baiThā sochtā rahtā huuñ maiñ
merā ghar ajdād kī bāra-darī kā karb hai

vo adū ko saath laa.e haiñ mire ghar dekhiye
sharbat-e-dīdār ke nusḳhe meñ dāḳhil sam huā

kitnī yādeñ aa jaatī haiñ dastak diye baġhair
ab aisī bhī kyā vīrānī ghar jañgal ho jaa.e

ranj-o-ġham se jo be-ḳhabar hotā
kaash aisā bhī koī ghar hotā

is qadar mahv-e-tasavvur huuñ sitamgar terā
mujh ko ġhurbat meñ nazar aane lagā ghar terā

apne pāmālī-e-dil kā mujhe afsos nahīñ
dekh zālim na bigaḌ jaa.e kahīñ ghar terā

aane vāloñ se kaho yuuñ na kareñ shor buland
ka.ī ghar aur bhī haiñ ghar ke barābar mere

ajiib log haiñ bas rāstoñ meñ milte haiñ
kisī ne ghar hī bulāyā nahīñ bahut din se

aa.ina log ghar meñ sajāte haiñ par
maiñ ne kar Daalā puurā hī ghar aa.ina

ḳhāna-barbād samajh kar hameñ Dhaltī huī raat
tanz se pūchhtī hai kaun se ghar jāoge

rāste shahr ke sab band hue haiñ tum par
ghar se nikaloge to 'maḳhmūr' kidhar jāoge

un se parda-dārī ghar meñ mushkil hai
fursat ke lamhe haiñ aa.eñ jā.eñge