Tags-Ghar

har ek ghar meñ diyā bhī jale anaaj bhī ho
agar na ho kahīñ aisā to ehtijāj bhī ho

ghar kī dīvār hai sakhī merī
maiñ usī se gapeñ laḌātī huuñ

ham ko āvārgī kis dasht meñ laa.ī hai ki ab
koī imkāñ hī nahīñ lauT ke ghar jaane kā

maiñ ghar meñ hī rahtā huuñ aksar apne
ik sannāTā bāhar pasrā rahtā hai

maiñ ne kab chāhā ki qaid-e-dar-o-dīvār mile
maiñ to āvāra huuñ beghar mujhe rahne dete

ham hī maqrūz tumhāre Thahre
ghar meñ rakkhīñ haiñ rasīdeñ kitnī

mezbāñ ghar kī huī hai mehmāñ
jaan ik jaañ se kashīdeñ kitnī

agarche shahr meñ bikhrī hai jā-ba-jā phir bhī
'shujā.a' apne liye ghar meñ paal tanhā.ī

koī dīvār na dar jānte haiñ
ham isī dasht ko ghar jānte haiñ

baḌī hī añdherī Dagar hai miyāñ
jahāñ ham faqīroñ kā ghar hai miyāñ

ghar to ik din ham ne bhī chhoḌā siddhārth kī tarah
phuul āñgan ke magar har sū nazar aane lage

ai paḌosī tū batā ham ko to kuchh hosh nahīñ
thā hamārā bhī koī ghar tire ghar se pahle

lo haq ke liye apnī jaḌeñ chhoḌ diiñ ham ne
ab ghar se nikal kar koī ansār bhī aa.e

kam-baḳht marne ke liye sayyād ke ghar aa.e haiñ
dekheñge ab kyā sair-e-gul chhuT kar asīrān-e-qafas

makīñ ko yaad hazīmat kī dāstāñ hai magar
to us ke ghar meñ haiñ ye jagmagāhaTeñ kaisī

kar chuke haiñ naqd ḳhidmat jābirān-e-qaum kī
de chuke haiñ bech ke ghar-bār jurmāna abhī

'fāriġh' havā.e dard ne lauTā diyā jise
aa.egā ek din mirā ghar pūchhtā huā

chal 'anjum' ghar lauT chaleñ
sahrā meñ kyā rakkhā hai

jab raah meñ mil ga.e kahne lage tere hī ghar meñ jaatā thā
jaao chale laḌkā tū nahīñ maiñ mujh ko apne machalte haiñ

shāyad aate jaate phir us ḳhāna-jañg se bigḌī hai
ghar se bahut kam mīr-'razā'-jī ab in rozoñ nikalte haiñ