English
Favourite
Favourite
UrduShayarUrduShayar
Expand menu
Sign inAccount

Tags-Ghar

ye ik ehsās hai aisā kisī se kah nahīñ saktā
tirī maujūdgī kā ghar meñ dhokā roz hotā hai
Ghazal
 kisi bhi samt niklun mera pichha roz hota hai
jo kuchh paḌhā hai ham ne ham āphī-āp us kī
ghar meñ kiyā kareñ haiñ takrār baiThe baiThe
Ghazal
 lene lage jo chuTki yak-bar baiThe baiThe
dīvāreñ kyuuñ ḳhālī ḳhālī lagtī haiñ
kis ne sab kuchh ghar se bāhar pheñk diyā
Ghazal
 apna sara bojh zamin par phenk diya
uThiye to kahāñ jā.iye jo kuchh hai yahīñ hai
bāhar tire ghar ke to na duniyā hai na diiñ hai
Ghazal
 uThiye to kahan jaiye jo kuchh hai yahin hai
sahrā meñ phirātī hai mujhe ḳhāna-ḳharābī
ye DhūñD rahā huuñ ki mirā ghar bhī yahīñ hai
Ghazal
 uThiye to kahan jaiye jo kuchh hai yahin hai
maiñ ek ḳhāna-ba-dosh huuñ jis kā ghar hai duniyā
so apne kāñdhe pe le ke ye ghar bhaTak rahā huuñ
Sher
 main ek KHana-ba-dosh hun jis ka ghar hai duniya
ghar dil meñ tū hamāre ḳhudā ke liye na le
ai ḳhānumāñ-ḳharāb makāñ aur kī taraf
Ghazal
 ai bad-guman tera hai guman aur ki taraf
ḳhud hī sāñpoñ ko bulā lete ho apne ghar meñ
peḌ chandan ke tum āñgan meñ lagāyā na karo
Ghazal
 ashk ko aankh ki dahliz pe laya na karo
kisī bhī taur uThe par tirī nigāh uThe
jalā ke ghar tujhe ḳhāna-ḳharāb dekhte haiñ
Ghazal
 subu mein aks-e-ruKH-e-mahtab dekhte hain
kuchh mohtasiboñ kī ḳhalvat meñ kuchh vaa.iz ke ghar jaatī hai
ham bāda-kashoñ ke hisse kī ab jaam meñ kam-tar jaatī hai
Ghazal
 kuchh mohtasibon ki KHalwat mein kuchh waiz ke ghar jati hai
Dubā dil kā ghar aañkh tak aan pahuñchā
ab aañsū kā naalā ubalne lagā hai
Ghazal
 nam-e-ashk aankhon se Dhalne laga hai
tū nahīñ hai to tire shahr kī tasvīr meñ ham
saare vīrāne banā dete haiñ ghar kāTte haiñ
Ghazal
 ek ek sans mein sadiyon ka safar kaTte hain
maiñ sochtā huuñ mujhe intizār kis kā hai
kivāḌ raat ko ghar kā agar khulā rah jaa.e
Ghazal
 koi to tark-e-marasim pe wasta rah jae
ham lipTe hue ghar se bhī rahte nahīñ lekin
hijrat kā koī ḳhauf bhī taarī nahīñ rakhte
Ghazal
 kya lutf ki wo zulm bhi jari nahin rakhte
jab shaam shahr meñ aatī hai
maiñ is ko ghar le aatā huuñ
Nazm
 jab sham shahr mein aati hai
'sālik' mile jo bazm meñ us kī to lutf hai
varna piyā hī karte haiñ ham apne ghar sharāb
Ghazal
 waiz milegi KHuld mein kab is qadar sharab
bas ek ḳhvāb kī sūrat kahīñ hai ghar merā
makāñ ke hote hue lā-makāñ ke hote hue
Sher
 bas ek KHwab ki surat kahin hai ghar mera
maiñ apne aap se Darne lagā thā
galī kā shor ghar meñ aa gayā thā
Ghazal
 main apne aap se Darne laga tha
pareshāñ thā khulā darvāza ghar kā
koī khiḌkī pe dastak de rahā thā
Ghazal
 main apne aap se Darne laga tha
vahāñ ke log bhī kitne ajab the
ajab logoñ meñ ghir ke rah gayā thā
Ghazal
 main apne aap se Darne laga tha
Top Urdushayar.com