Tags-Ghar

bahtī rahī nadī mire ghar ke qarīb se
paanī ko dekhne ke liye maiñ taras gayā

bārish kī būñdoñ se ban meñ tan meñ ek bahār aa.ī
ghar ghar gaa.e giit gagan ne gaūñjīñ galiyāñ gaañv kī

sīlan ko raah mil ga.ī dīmak ko sair-gāh
anjām dekh lījiye ghar kī darār ke

kal jaane kaise hoñ ge kahāñ hoñge ghar ke log
āñkhoñ meñ ek baar bharā ghar sameT luuñ

jise raunaq tire qadmoñ ne de kar chhīn lī raunaq
vo laakh ābād ho us ghar kī vīrānī nahīñ jaatī

rasta bhī tirī samt thā ghar terī taraf thā
ab jā ke khulā merā safar terī taraf thā

jaane kyuuñ ab raat din ghar meñ paḌā rahtā hai vo
pahle yuuñ ḳhud meñ kabhī simTā huā rahtā na thā

kyā vo ghaTā tire ghar se uTThī kyā vo tū ne bhejī thī
būñdeñ raushan raushan thiiñ aur bādal kaalā kaalā thā

zaḳhm tere dil kī zīnat haiñ unheñ parde meñ rakh
koī nā-mahram tire ghar kā tamāshā.ī na ho

mujhe ghar jaane do
maiñ chhat ko jaane vaalī sīḌhī par baiTh kar

ghar jo zindāñ hai to vīrāna banā detā thā
dar-o-dīvār takā karte ho kyā karte ho

bārish hogī to bārish meñ donoñ mil kar bhīgeñge
ret pe ek musāfir kā ghar aur samundar bhīgeñge

īmān saath jā.egā kyūñkar ḳhudā ke ghar
ka.abe kā rāsta to kalīsā se mil gayā

dil kā ghar sunsān paḌā hai
dukh kī dhuum machā ke dekho

maiñ apne ghar baḌī muddat se ke ba.ad aaj
kisī mehmān ke dhoke meñ aayā

vo kiran bhī to mire naam se mansūb karo
jis ke luTne se mire ghar meñ siyāhī aa.e

itnī sardī hai ki maiñ bāñhoñ kī harārat māñgūñ
rut ye mauzūñ hai kahāñ ghar se nikalne ke liye

kachchā ghar aatā hai yaad bahut 'amabar'
kahne ko shahroñ meñ har āsānī hai

nikle haiñ un ke ghar se bhī ḳhanjar jale hue
āñkhoñ kī is jalan se nā mil pā.egī najāt

koī shai ghar kī ḳhush nahīñ aatī
vo baras do baras se bāhar hai