Tags-Ghar

sailāboñ ke ba.ad ham aise dīvāne ho jaate haiñ
apne ghar se us ke ghar tak pahroñ dauḌ lagāte haiñ

apne hijr kī baat alag hai apnā ishq musalsal hai
ḳhud se bichhaḌne lagte haiñ to us ke ghar ho aate haiñ

jaane kitnī gard jamī ho ḳhadd-o-ḳhāl pe rastoñ kī
is Dar se ham apne ghar meñ dastak de kar jaate haiñ

ātish o nuur se bijlī ke raheñ kyuuñ mahrūm
ham sar-e-dasht nayā ghar to banā sakte haiñ

ham apne jalte hue ghar ko kaise ro lete
hamāre chāroñ taraf ek hī nazārā thā

sune jo mere azā.em to āzmāne ko
havā se barq ne ghar kā mire patā māñgā

dahshat-zada fazāoñ se vo be-niyāz thā
jab us kā ghar jalā hai to us par asar huā

kitnī dīvāreñ uThī haiñ ek ghar ke darmiyāñ
ghar kahīñ gum ho gayā dīvār-o-dar ke darmiyāñ

ghar se ham ghar talak ga.e hoñge
apne hī aap tak ga.e hoñge

kuchh be-nām ta.alluq jin ko naam achchhā sā dene meñ
maiñ to saarī bikhar ga.ī huuñ ghar ko ikaTThā rakhne meñ

tū ḳhud ko bad-duā detā hai aksar
ḳhudā ke ghar samā.at ho ga.ī to

sochtā huuñ shab guzārūñ ab kahāñ
ghar kā darvāza muqaffal aur maiñ

vo log kūche kūche bhaTakne lage haiñ aaj
jin ko ḳhud apne ghar se bhī chāhat huī nahīñ

kal raat mirā beTā mire ghar
chehre pe munḌhe ḳhākī kapḌā

ghar is se ishq kā bantā hai dil saḳhtī se kyuuñ ghabrā.e
shīrīñ ye mahal uThvātī hai farhād ye patthar Dhotā hai

ābādiyoñ meñ dasht kā manzar bhī aa.egā
guzroge shahr se to mirā ghar bhī aa.egā

yahī sabab hai ki jab bhī maiñ ghar se jaatā huuñ
kuchh ehtimām isī Dar se kar ke jaatā huuñ

mushkil hai ki ab shahr meñ nikle koī ghar se
dastār pe baat aa ga.ī hotī huī sar se

shāyad ik ḳhanjar hī dil shādāb kare
vo ik tanhā pyāsā merī ghar bhar pyaas

maiñ kyuuñ karūñ kisī ko makīn-e-makān-e-dil
maiñ kyuuñ kahūñ kisī se ki tū ghar mirā bigāḌ