Tags-Ghar

chale the ghar se asāse meñ hijrateñ le kar
tamām umr kī dil meñ chubhan ko chhoḌ diyā

idhar kuchh fāsle par chand ghar the kāsht-kāroñ ke
jahāñ ab kār-ḳhāne ban ga.e sarmāya-dāroñ ke

zaḳhm-e-dil ishq ke ghar kā to dar-e-daulat hai
bhej marham ko na hamdam mire nāsūr talak

kabhī aapas kabhī ghar aur kabhī tum
mujhe kushtoñ meñ maarā jā rahā hai

ghar apnā ġham-o-dard samjhe haiñ dil ko
bane mezbāñ mehmāñ kaise kaise

zahr se kuchh kam na thī dāvat mirī ġhairoñ ke saath
kyā ġhazab hai ghar balā kar mehmāñ maarā gayā

pheñkī hai mere ghar meñ mire dost ne jo iiñT
shāyad vo mere ghar kī marammat meñ kaam aa.e

kis qadar ajnabī sā lagtā hai
baad muddat ke ghar gayā dekho

na koī patta harā hai na koī phuul khilā
bahār bhī mire ghar aa.ī hai ḳhizāñ kī tarah

phailī hai fazāoñ meñ ḳhushī merī nazar kī
hañstī nazar aatī haiñ fazā.eñ mire ghar kī

ġhair ke ghar se jhijakte hue tum nikle the
rukte dekhā tumheñ phir chhup ke nikalte dekhā

qad sarv chehra gul hai to sumbul haiñ mū-e-yār
ghar ḳhāna baaġh hai jo vo mehmāñ hai in dinoñ

har samt hai vīrānī sī vīrānī kā aalam
ab ghar sā nazar aane lagā hai mirā ghar bhī

ye dasht-e-hū sar-e-gulshan kahāñ se aa niklā
ye mo.ajiza hai to ghar se nikal ke dekhte haiñ

terī galī ke moḌ pe pahuñche the jald ham
par tere ghar ko aate hue der ho ga.ī

chale the log jab ghar se
to ik va.ade kī taḳhtī apnī peshānī par

baat bhī un se kī na kisī ne aarzū dil kī rah ga.ī dil meñ
ghar meñ hī baiThī rah ga.ī laḌkī aayā na ik paiġhām munāsib

ye chāñd ye bahār kī rāteñ gavāh haiñ
ham ab bhī apne ghar meñ haiñ mehmān kī tarah

phuul hī phuul the kaliyāñ thiiñ hasīñ galiyāñ thiiñ
aap ke ghar kā vo rasta bhī ġhazal jaisā thā

aisī havā meñ ghar se nikalne kī jā na thī
varna tamām baat kā aatā yaqīñ bahut