Tags-Ghar

ghar meñ sab log so rahe hoñge
phuul āñgan meñ jal chukā hogā

merī rātoñ kā añdherā bhī duā.eñ degā
ik sitāra jo utar kar mire ghar tak pahuñche

ghar ne apnā hosh sambhālā din niklā
khiḌkī meñ bhar gayā ujālā din niklā

jo dar-ba-dar ho vo kaise sambhāl saktā hai
tirī amānateñ jitnī haiñ mere ghar meñ haiñ

koī maskan na hogā ab mirī be-ḳhvāb rātoñ kā
maiñ apne dushmanoñ ke beach apnā ghar na rakkhūñgā

ishq meñ tere jañgal bhī ghar lagte haiñ
kāñTe aur babūl sanobar lagte haiñ

bhor-bha.e ākāsh se sūraj jaage to
chāñd sitāre kitne be-ghar lagte haiñ

aag paanī meñ farozāñ dekho
tum bhī us ghar kā charāġhāñ dekho

mohtāt banāyā hogā unheñ hālāt ne apne ghar ke hī
ab apne hī ghar meñ rahte haiñ 'ḳhālid' jo ba-shakl-e-mehmāñ bhī

duur tak ek hī manzar hai makānoñ kā 'zahīr'
kis taraf jā.ūñ maiñ kis or mirā ghar dekhūñ

zarā sī choT lagī thī ki chalnā bhuul ga.e
sharīf log the ghar se nikalnā bhuul ga.e

be-soche-samjhe ghar se jo yūñhī nikal paḌe
ab DhūñDte haiñ saaya kisī sā.ebān kā

jis ghar meñ hañste khelte guzrī hai ek umr
rishta bhī ab to yaad nahīñ us makān kā

banā rahā huuñ abhī ghar ko ā.ina-ḳhāna
phir apne haath meñ patthar bhī dekhnā hai mujhe

zindagī jis par hañse aisī koī ḳhvāhish na kī
ghaao siine meñ sajā.e ghar kī ārā.ish na kī

kuchh din se ajab be-kalī ghere hai tasavvur
kuchh din se mujhe apnā hī ghar ghar nahīñ lagtā

āveñge phir bhī 'mus.hafī' dekhne mere ghar kabhī
aTkā hai ab to un se jī garche vo muñh chhupā ga.e

jī meñ hai uḌ ke chalā jā.ūñ jahāñ rahtā hai
vo mirā ghar bhī mirā ghar nahīñ hone detā

hisār-e-zāt ke dīvār-o-dar meñ qaid rahe
tamām umr ham apne hī ghar meñ qaid rahe

kaisā aanā kaisā jaanā mere ghar kyā aaoge
ġhairoñ ke ghar jaane se tum fursat kis din paate ho