Tags-Ghar

chheḌo koī baat aisī ki ehsās ko badle
ham aaj zarā ghar se nikal aa.e haiñ yaaro

tumhāre ghar pe maiñ aa to nahīñ rahā mire dost
ghumā phirā ke batāo na rāsta mire dost

ḳhvāb kā jashn manāne ke liye
log sunte haiñ ki ghar ghar jaage

in lahū-rañg fazāoñ pe na jā baat samajh
ghar ke aaseb se bach vaqt badal jā.egā

aatā agar ḳhayāl shajar chhāñv meñ nahīñ
ghar se nikal ke dhuup kī hiddat ko dekhtā

dar-e-imkāñ se guzar kar sar-e-manzar aa kar
ham ajab lahar meñ haiñ apne na.e ghar aa kar

shāḳh-tā-shāḳh ajab ālam-e-vahshat hai abhī
tā.ir-e-jāñ kabhī Thahrā thā mire ghar aa kar

badlī vo havā guzrā vo samāñ vo raah nahīñ vo log nahīñ
tafrīh kahāñ aur sair kujā ghar se bhī nikalnā chhoḌ diyā

us hūr-laqā ko ghar laa.e ho tum ko mubārak ai 'akbar'
lekin ye qayāmat kī tum ne ghar se jo nikalnā chhoḌ diyā

ghar tak dar-e-jānāñ se 'jalāl' aa.iye kyuuñ kar
ek ek qadam hai ka.ī manzil ke barābar

ġhusl-ḳhāne meñ ye ġhassāl se murda bolā
jail hai qabr to ye ghar hai havālāt mujhe

ek tasvīr salīqe se rakhī hai ghar meñ
baaqī har chiiz to bas yuuñ hī paḌī rahtī hai

maiñ tire paas ḳhalāoñ meñ pahuñch jaatā huuñ
aur ik laash kahīñ ghar meñ paḌī rahtī hai

dā.era sā ajiib thā ghar meñ
ghuum jaatī rahī sadā ghar meñ

ek meñ thā ḳhudā kā kuchh sāmāñ
dūsrā taaq thā mirā ghar meñ

kuchh kitābeñ haiñ aur kuchh yādeñ
in charāġhoñ se hai ziyā ghar meñ

ghar ne vo din bhī dekh rakkhe haiñ
kuchh nahīñ thā mire sivā ghar meñ

us ko manzil bhī ham samajhte haiñ
aa rahā ho jo rāsta ghar meñ

jab bujhā.ī koī lagī ham ne
har taraf se dhuāñ uThā ghar meñ

umr bhar ḳhud ko zer-e-pā rakkhā
aa.ina thā bichhā huā ghar meñ