Tags-Ghar

un ke dil meñ ghar kar lenā mushkil hai
chaTTānoñ meñ rauzan karte rahte haiñ

palkoñ pe us kī jale bujheñge jugnū jab mirī yādoñ ke
kamre meñ hoñgī barsāteñ ghar jañgal ho jā.egā

din meñ bhī ghar ujāle se mahrūm hai to hai
kirnoñ kā kyā savāl karūñ āftāb se

ye terā merā jhagḌā hai duniyā ko biich meñ kyuuñ Dāleñ
ghar ke andar kī bātoñ par ġhairoñ ko gavāh nahīñ karte

man.a karte ho abas yaaro aaj
us ke ghar jā.eñge par jā.eñge ham

ġhair ko laa.e haiñ mere ghar vo ma.e bistare
bhed is meñ bhī koī us meñ bhī koī raaz hai

kal talak shaiḳh gurezāñ bhī the bezār bhī the
aaj kuchh baat hai jo 'soz' ke ghar aa.e haiñ

laao pyāla-e-sharāb ghir ke phir aayā hai sahāb
ab nahīñ mere dil ko taab bād-e-bahār phir chalī

ghar gayā zehn ġham-e-zīst ke andāzoñ meñ
har hathelī pe dhare soch rahā huuñ baiThā

ghir gayā zehn ġham-e-zīst ke andāzoñ meñ
kaisā tālāb hai jo us ko harā kar na sakā

būd-o-bāsh apnī na pūchho ki isī shahr meñ ham
zindagī laa.e the ghar se so yahīñ chhūT ga.ī

kyā ġharīb-ul-vatanī sī hai ġharīb-ul-vatanī
āsmāñ saath chalā ghar kī zamīñ chhūT ga.ī

ye kahāñ dostoñ meñ aa baiThe
ham to marne ko ghar se nikle the

yahī shaam kā vaqt thā ghar se nikle ki yaad aa gayā thā
bahut din hue aaj vo sab dobāra bahut yaad aayā

din din bhar āvāra phirnā ek hamārī aadat thī
raat ga.e ghar luuT ke aanā ham ko achchhā lagtā thā

ab tak na ḳhabar thī mujhe ujḌe hue ghar kī
vo aa.e to ghar be-sar-o-sāmāñ nazar aayā

qadam nikāl ab to ghar se bāhar jo dam bhī siine se sahl nikle
dikhā na ab intizār apnā lahad ko hai intizār merā

tumhārī mezbānī ke bahāne
koī din ham bhī apne ghar mileñge

ghar se bāhar bhī mohazzab log haiñ
mere bachche be-adab kaise hue

tum apne haath se jis ko pilā do
vo apne aap ghar jaatā kahāñ hai