Collections

Lab Shayari

Motivational Ghazals

Best Khamoshi Shayari

More Collections

Tags-Ghar

bahut kuchh kaam ham sab kar chuke haiñ
diloñ meñ ghar banānā rah gayā hai

koi to kaam achchha rah gaya hai

vo patañgoñ kā pyaar kyā jaane
jin ke ghar meñ diye nahīñ hote

log sare bhale nahin hote

sabab ḳhāmoshiyoñ kā maiñ nahīñ thā
mire ghar meñ sabhī kam bolte the

sabab KHamoshiyon ka main nahin tha

dār-e-fānī meñ na kar fikr-e-qayām ai nādāñ
guzar-e-sail hai yaañ ghar na banānā hargiz

harf tum apni nazakat pe na lana hargiz

kyā hogā jab mar jā.eñge
apne apne ghar jā.eñge

kya hoga jab mar jaenge

kaise maiñ ḳhālī karā saktī thī ye dil apnā
ghar ke dīvār-o-dar-o-aks-o-makīñ us ke saath

aasman uske liye aur zamin uske sath

maiñ ghar se terī tamannā pahan ke jab niklūñ
barahna shahr meñ koī nazar na aa.e mujhe

main ghar se teri tamanna pahan ke jab niklun

ghar-bār chhoḌ kar vo faqīroñ se jā mile
chāhat ne bādshāhoñ ko mahkūm kar diyā

dil ka gulab maine jise chum kar diya

ab us ke binā yuuñ haiñ shab-o-roz hamāre
jaise koī darvāza na ho ghar meñ kisī ke

ye dil bhi to Dubega samundar mein kisi ke

maano ye ghar na chhoḌo duniyā ko dekhte ho
jo kuchh guzar chukī hai is nā-makīn-e-dil par

hargiz na rah pai farda-o-di ne dil par

ghar kī ghuTan se duur nikal jaa.e aadmī
saḌkoñ pe ḳhauf ho na agar hādsāt kā

mahsus ho raha hai jo gham meri zat ka

ḳhuuñ kā sailāb thā jo sar se abhī guzrā hai
bām-o-dar ab bhī sisakte haiñ magar ghar chup haiñ

shahar KHamosh hai sab neza-o-KHanjar chup hain

maut na aa.ī to 'alvī'
chhuTTī meñ ghar jā.eñge

achchhe din kab aaenge

va.ade pe us ke aane ke ghar ko sajā liyā
ab us ke ba.ad bhī na vo aa.e to kyā karūñ

karta hai wo jafa to kare main wafa karun

ba.az ghar shahr meñ aise dekhe
jaise un meñ koī rahtā hī na ho

aise dekha hai ki dekha hi na ho

go mizāj is kā ye badlā ki kahe hai mujhe yuuñ
dekho tum aa.e to maiñ ghar se nikal jā.ūñgā

dud-e-atish ki tarah yan se na Tal jaunga

kahāñ gayā jaras-e-karbalā bulā ke mujhe
ki rāste meñ mirā ghar tamām ḳhatm huā

zara si der jo KHauf-e-dawam KHatm hua

us ke āñgan meñ raushnī thī magar
ghar ke andar baḌā añdherā thā

wo jo sab ka bahut chahita tha

bhalī ho yā ki burī har nazar samajhtā hai
har ek shaḳhs kī aahaT ko ghar samajhtā hai

bhali ho ya ki buri har nazar samajhta hai

merā maqsad thā faqat ḳhaak uḌānā sāhab
is liye dasht ko ghar-bār banāyā huā hai

sajda-e-yaad mein sar apna jhukaya hua hai