Tags-Ghar

rahne vaalā hī jab na ho 'āzar'
fā.eda kyā hai ghar sajāne se

jaagā hai raat pyāre tū kis ke ghar jo terī
palkeñ nadīdiyāñ haiñ āñkheñ ḳhumāriyāñ haiñ

hadaf huuñ dushman-e-jāñ kī nazar meñ rahtā huuñ
kise ḳhabar hai qafas meñ ki ghar meñ rahtā huuñ

har dar-o-dīvār par bachpan javānī naqsh the
kab mire ghar se mire maazī kī dārā.ī ga.ī

ghar meñ raat akelī hai
sehn meñ raat kī raanī hai

badan thā aa gayā hai lauT ke ghar
maiñ tere paas paa.e jā rahā huuñ

na niklā kar itnā bhī be-parda ghar se
bahut us meñ zālim to badnām hogā

mere ghar ke sāmne
raat kī gaaḌī kā ek pahiya nikal gayā

tere ghar tak aa chukī hai duur ke jañgal kī aag
ab tirā is aag se Darnā bhī kyā laḌnā bhī kyā

vo ghar ki jis meñ kisī ko kisī se uns nahīñ
baḌe se board pe dār-us-surūr likkhā thā

andāz hū-ba-hū tirī āvāz-e-pā kā thā
dekhā nikal ke ghar se to jhoñkā havā kā thā

mahrūmī ne jahāñ baserā DhūñD liyā hai
mujh ko to vo ghar bhī apnā ghar lagtā hai

bujhā.ūñ kyā charāġh-e-sub.h-gāhī
mire ghar shaam honī hai sahar se

maiñ ne kal ḳhvāb meñ ā.inda ko chalte dekhā
rizq aur ishq ko ik ghar se nikalte dekhā

hazāroñ qumqumoñ se jagmagātā hai ye ghar lekin
jo man meñ jhāñk ke dekhūñ to ab bhī raushnī kam hai

kahāñ ġhā.eb huā vo ghar parinde se zarā pūchho
bhayānak āñdhiyoñ kā Dar parinde se zarā pūchho

ham hī ne siikh liyā rahguzar ko ghar karnā
vagarna us kī to aadat hai dar-ba-dar karnā

shaam parinde lauT aa.e to ham tirī khoj meñ chal nikle
phir jañgal meñ raat huī aur ghar kā rasta bhuul ga.e

aaj phir āb-e-muqaddas aañkh se hijrat kiyā
ghar pahuñchne meñ kisī ne aaj phir tāḳhīr kī

simaTtā jā rahā hai ghar kā āñgan
anā dīvār hotī jā rahī hai