Tags-Ghar

ghar ke sab darvāze kyuuñ dīvār hue haiñ
ghar se bāhar duniyā saarī chīḳh rahī hai

vo thī āñgan meñ paḌosī ke maiñ ghar kī chhat pe thā
dūriyoñ ne aaj bhī donoñ ko taḌpāyā bahut

nafas nafas meñ thā ehsās-e-ḳhāna-vīrānī
ḳharāba-e-ġham-e-hastī ko ghar kahā na gayā

ye āñkheñ ye dimāġh ye zaḳhmoñ kā ghar badan
sab mahv-e-ḳhvāb haiñ dil-e-be-tāb ke sivā

ahl-e-junūñ ko is kī ḳhabar der se huī
ik ghar bhī hogā dasht-e-fusūñ-tāb ke sivā

chalte chalte maiñ us ko ghar le aayā
vo bhī apnā haath chhuḌānā bhuul gayā

dhuup chaḌhe tak donoñ ghar meñ so.e rahe
maiñ us ko vo mujhe jagānā bhuul gayā

dar-ba-dar huuñ to sher-o-suḳhan ke liye yā shikam ke liye
varna maiñ ghar se bāhar galī tak bhī aanā nahīñ chāhtā

os meñ tar koī be-ghar titlī
nīn-peḌ kī ḳhvāb-shāḳh par

ham dil se rahe tez havāoñ ke muḳhālif
jab tham gayā tūfāñ to qadam ghar se nikālā

vo bhaa.ī bhaa.ī haiñ rahte haiñ ek hī ghar meñ
magar diyoñ meñ baḌā fāsla sā lagtā hai

sab badalte jā rahe haiñ sar-ba-sar apnī jagah
dasht ab apnī jagah baaqī na ghar apnī jagah

ziist ke ḳharābe meñ ik siyāh ghar dil kā
aur dil meñ yaad us kī raushnī kā dar jaise

yā to aane se pahle ghar kā pūchhte ahvāl
aa ga.e to ab kiije ho guzar-basar jaise

muddatoñ maiñ guzrā thā us ke shahr se lekin
sab makān lagte the mujh ko us ke ghar jaise

chāhtī hai ab vahshat duur tak bayābānī
kāTne ko aate haiñ ghar ke bām-o-dar jaise

laakh chāhā na milī pyaar kī pyāsī āġhosh
ghar kī dīvār se sar phoḌ ke royā bādal

jo sañg itnī harārat lahū ko baḳhsh gayā
mujhe navāzne mere hī ghar se aayā thā

ajiib dhun kā musāfir thā kuuch kar gayā aaj
ġharīb ghar kī hī chāhat meñ ghar se aayā thā

jahāñ jaa.e hameñ bhī saath le jaa.e
kahīñ be-ghar na kar de be-gharī us kī