Tags-Ghar

ḳhudā ke ghar meñ visa-card kā system nahīñ hai
credit-card ke bakre kī qurbānī se bachnā

vo tīrgī-e-shab hai ki ghar lauT ga.e haiñ
us dar se abhī najm-o-qamar lauT ga.e haiñ

dard kī sūratoñ meñ ik ghar thā
us kī vīrāniyāñ sajāte the

us ke talḳhāb se kab pyaas mirī bujh paa.ī
ghar samundar ke kināre hī basāne baiThā

nikal ke ghar se phir is tarah ghar ga.e ham tum
ḳhud apnī raakh uḌāte bikhar ga.e ham tum

ḳhayāl-e-ġhair nikaltā nahīñ mire dil se
kisī ke ghar meñ ye baiThā hai apne ghar kī tarah

maiñ vo charāġh huuñ jo āñdhiyoñ meñ raushan thā
ḳhud apne ghar kī havā ne bujhā diyā hai mujhe

duniyā ke mashġhaloñ meñ ye ghir gayā hai aisā
ab dil se baat karnī dushvār ho ga.ī hai

text meñ log mohabbat kī ḳhatā bhejte haiñ
ghar batāte nahīñ office kā patā bhejte haiñ

purāne dostoñ ke ghar sunā hai
tumhārā ānā-jānā ho gayā hai

hoñ vo dīvāna ki ik shab bhī jo maiñ ghar meñ rahūñ
raat ko sub.h karūñ kar dar-o-dīvār se bahs

vahī manāzir luTe luTe se vahī shikasta makān 'aḳhtar'
maiñ roz-marra ke rāste se jo ghar meñ pahuñchā bahut hazīñ thā

aur sab log to mai-ḳhāne se ghar lauT ga.e
mehrbāñ raat ne siine se lagāyā hai mujhe

ye kārobār-e-jabr-o-jahālat nahīñ qubūl
ye fīstā.iyat kisī hālat nahīñ qubūl

na jab tak koī ham-pyāla ho maiñ mai nahīñ piitā
nahīñ mehmāñ to faaqa hai ḳhalīlullāh ke ghar meñ

apne pas-manzar meñ manzar bolte
chīḳhte dīvār-o-dar ghar bolte

ghar ne sahrā meñ mujhe chhoḌ diyā thā lā kar
ab ho sahrā kī ijāzat to maiñ ghar tak jā.ūñ

ġhurbat meñ ajnabī kā bhī hotā hai ghar kahīñ
din-bhar kahīñ guzār diyā rāt-bhar kahīñ

rahtī hai un kī yaad mirī dil meñ har ghaḌī
'auj' un ke dil meñ kaash ho merā bhī ghar kahīñ

be-faiz havā.eñ thiiñ na saffāk thā mausam
sach ye hai ki us ghar meñ koī dar hī nahīñ thā