Tags-Ghar

mere ghar meñ hai jo ġhāsib to nikālūñ ki nahīñ
mujh pe ilzām-e-jafā rakh ki maiñ jo huuñ so huuñ

karbalā rakh ke hathelī pe chalā huuñ ghar se
bai.at-e-zulm haTā rakh ki maiñ jo huuñ so huuñ

mere raste meñ jo raunaq thī mere fan kī thī
mere ghar meñ jo añdherā thā merā apnā thā

umr bhar maiñ to rahā ḳhāna-badoshī meñ idhar
kuchh kabūtar mire aslāf ke ghar meñ haiñ abhī

ghar kī jab baat nikal jaatī hai ghar se bāhar
dar pe harf aatā hai dīvār pe harf aatā hai

dil hai jo bārūd kā ghar suukh kar tayyār hai
aab se kah do na ab koī sharārā dekh le

roz sub.h aḳhbār mire ghar
ḳhuun meñ lat-pat aatā hai

isī liye to ye sahrā aziiz hai ki yahāñ
na shor-e-shahr-e-balā hai na ghar kā dhokā hai

office meñ bhī ghar ko khulā paatā huuñ maiñ
Table par sar rakh kar so jaatā huuñ maiñ

zamīñ kī had agar koī nahīñ hai
to phir merā bhī ghar koī nahīñ hai

yahāñ to bas paḌāv hai hamārā
hamārā apnā ghar koī nahīñ hai

ye ghar jo hamāre liye ab dasht-e-junūñ hai
ābād bhī rahtā thā kabhī apno ke dam se

asar kyā ḳhaak ho merī fuġhāñ kā us pe ai 'hāfiz'
mirī āvāz tak us ghar meñ pahchānī nahīñ jaatī

inhīñ pattharoñ pe chal kar agar aa sako to aao
mire ghar ke rāste meñ koī kahkashāñ nahīñ hai

ġhairoñ ne kuchh ḳhvāb dikhā kar niiñd churā lī āñkhoñ se
lorī de de haar ga.ī jo ghar āñgan kī miTTī hai

ab har ghar kī chaukhaT ham par hañstī hai to raaz khulā
phuuT phuuT kar roī thiiñ kyuuñ dahlīzeñ chalte vaqt bahut

safar meñ ek jag tamām ho gayā
ab apne ghar kā rāsta bhī kho gayā

jo dil kī hasrateñ haiñ sab dil meñ hoñ to behtar
is ghar se koī bāhar mehmān rah na jaa.e

ghar bhī rahiye to chale aate haiñ milne ko ġhazāl
kaahe ko bādiya-paimā.ī kī zahmat kī jaa.e

shaam Dhalne lagī hai ab 'muftī'
sub.h kā bhūlā ghar nahīñ aayā