Tags-Ghar

ujaaḌ ghar meñ ye ḳhushbū kahāñ se aa.ī hai
koī to hai dar-o-dīvār ke alāva bhī

ek chhoTā sā lakḌī kā ghar
aur āñgan meñ phirtī huī murġhiyāñ

saaya tak bhaag gayā dekh ke vahshat ghar kī
kyā balā hai ki ilāhī shab-e-furqat na ga.ī

mire āsmāñ mire sā.ebāñ tū hī rāz-dāñ tū hī mehrbāñ
jahāñ lā-makāñ ke haiñ silsile vahīñ merā ghar bhī banā piyā

ye kūche ye nīlām ghar dilkashī ke
ye luTte hue kārvāñ zindagī ke

kuchh tabī.at meñ thī āvāra mizājī shāmil
kuchh buzurgoñ ne bhī ghar meñ mujhe rahne na diyā

ġham-e-tabdīlī-e-gulshan kahāñ tak phir ye gulshan hai
qafas bhī ho to ban jaatā hai ghar āhista āhista

ek ham se tujhe nahīñ iḳhlās
ghar-ba-ghar tujh ko har kahīñ iḳhlās

kyā tafraqa hai jab ki ga.e ham to na thā vo
aur aayā vo ham paas to ham ghar na hue aah

ghar kā rasta bhūlne vaalā
chaurāhe par aa saktā hai

vo ulfat dost hoñ nāseh duā hī dil se niklī hai
agar dushman ke ghar bhī majma-e-ahbāb dekhā hai

ghaTā.eñ ghir ke aa.ī haiñ sar-e-mai-ḳhāna ai saaqī
hameñ ab jaam bhar bhar kar pilāne kī zarūrat hai

jo bagūlā dasht-e-ġhurbat meñ uThā samjhā ye maiñ
kartī hai ta.amīr dīvānī mire ghar kā javāb

har jagah qabr-e-gadā takiye meñ har jā gor-e-shāh
ek ghar is shahr meñ hai dūsre ghar kā javāb

dil ka.aba hai dil mandir hai phir dil kyuuñ ham toḌeñ
har dil meñ ghar kar jaa.eñ aapas meñ naatā joḌeñ

muñh uThā kar ke phir aa.ī hai ye tauba tauba
shab judā.ī kī mire ghar meñ Thaharne ke liye

band kar baiThe ho ghar radd-e-balā kī ḳhātir
ek khiḌkī to khulī rakhte havā kī ḳhātir

bharā paḌā thā ghar is kā ḳhushī ke siile se
ye kyā huā ki vo ab rāste kā raahī hai

hākim-e-vaqt hai tujh ghar meñ raqīb-e-bad-ḳhū
dev muḳhtār huā mulk-e-sulaimān meñ aa

saare ghar kī raunaq thā jo vo bhī ham ko chhoḌ gayā
kyoñ gaalī dete rahte haiñ kamroñ ko dālānoñ ko