Tags-Ghar

be-haqīqat ho ga.e merī nazar meñ mehr-o-māh
maiñ ne jab ghar ke diye se istifāda kar liyā

maiñ haath bāñdhe hue lauT aa.ī huuñ ghar meñ
ki mere pars meñ ik aarzū marī huī hai

ik hañsī gūñjī thī ghar meñ mere
mujh ko yādoñ kā asar mārtā hai

is moḌ pe pahuñchā hai ka.ī saal gañvā kar
vo shaḳhs bhī qistoñ meñ bane ghar kī tarah hai

aatā hai vahī kaam musībat ke dinoñ meñ
farzand mire ghar meñ bhī lofar kī tarah haiñ

bil-irāda na sahī yuuñ hī kabhī aa jaao
pyaar ke raste meñ ham chhoTā sā ghar rakhte haiñ

mas.ala ye hai ki us ke dil meñ ghar kaise kareñ
darmiyāñ ke fāsle kā tai safar kaise kareñ

havā-e-dasht-o-bayābāñ bhī mujh se barham hai
maiñ apne ghar ke dar-o-bām chhoḌ aayā huuñ

us ātish-e-afsūñ ko koī kaise bujhā.e
jis aag meñ ghar jaltā ho vo ghar se alag ho

ġhair ke ghar kī taraf ke jo uThe the parde
itr bāloñ meñ vo malte the pareshāñ ham the

aañsū mire bachchoñ kī tarah ḳhuun se kheleñ
kuchh khel nahīñ ghar kā ziyāñ dekhte rahnā

ghar kī dīvāroñ pe tanhā.ī ne likkhe haiñ jo ġham
mere ġham-ḳhvār unheñ bhī kabhī paḌh kar dekheñ

khol kar zulf-e-musalsal ko paḌhī us ne namāz
ghar meñ allāh ke bhī jaal bichhā kar aayā

raat ye kaun sā mehmān mire ghar aayā
saarā ghar halqa-e-āfāt se niklā huā hai

guzre the husain ibn-e-alī raat idhar se
ham meñ se magar koī bhī niklā nahīñ ghar se

aañsū ko apne dīda-e-tar se nikālnā
lagtā hai mehmān ko ghar se nikālnā

jab maiñ ghar se niklā thā tab ḳhushk zabāñ par kāñTe the
aur jab ghar meñ vāpas aayā gardan gardan paanī thā

ghar kī jab yaad sadā de to palaT kar aa jaa.eñ
kaash ham apnī hī ḳhvāhish ko mayassar aa jaa.eñ

kisī ke ghar na maah o saal ke mausam meñ rahte haiñ
ki ham hijr-o-visāl-e-yār ke aalam meñ rahte haiñ

mujh paas kabhī vo qad-e-shamshād na aayā
is ghar mane vo dil-bar-e-ustād na aayā