Tags-Ghar

har ik Tahnī pe gul murjhā huā hai
bhare ghar meñ koī tanhā huā hai

jidhar jī meñ aayā udhar chal paḌe
musāfir kā hotā hai ghar har taraf

tum parindoñ se ziyāda to nahīñ ho āzād
shaam hone ko hai ab ghar kī taraf lauT chalo

ḳhandāñ haiñ galī galī sitāre
ghar ghar kā charāġh ro rahā hai

raat kī baat rahe parda-e-tārīkī meñ
shaam kā bhūlā agar sub.h ko ghar aa jaa.e

ghar isī vāste jañgal meñ badal Daalā hai
shāyad aise hī idhar merā ġhazāl aa jaa.e

kisī kā naqsh jo pal bhar rahā hai āñkhoñ meñ
baḌe ḳhulūs se ghar kar rahā hai āñkhoñ meñ

us kā ghar chhoḌ ke ham to na kisī dar pe ga.e
par samajhtā hai use vo but-e-harjā.ī kyā

bar meñ vo shoḳh thā aur sair-e-shab-e-māh thī raat
apne ghar kyā kaheñ thī anjuman-ārā.ī kyā

par gayā sub.h se vo ghar to yahī dhaḌkā hai
dekheñ aaj us kā evaz le shab-e-tanhā.ī kyā

aap añdhere meñ kab tak raheñ
phir koī ghar jalā dījiye

yaad aa.ī na kabhī be-sar-o-sāmānī meñ
dekh kar ghar ko ġharīb-ul-vatanī yaad aa.ī

ik ghar bhī salāmat nahīñ ab shahr-e-vafā meñ
to aag lagāne ko kidhar jaa.e hai pyāre

maiñ ab kis ke liye
ghar ke khañDar meñ ḳhvāb ghar ke dekhtā jā.ūñ

agar bulātā bhī apne ghar meñ to ham ko rakhtā na vo nazar meñ
bahāl-e-muztar ba-shakl-e-abtar idhar se jaate udhar se aate

vo ishq-e-sādiq kī paak manzil vo ka.aba-o-dair ke marāhil
mile the raste meñ ham ko do ghar idhar se jaate udhar se aate

phirā kiye aap rahguzar meñ kabhī na Thahre hamāre ghar meñ
karam ye karnā thā banda-parvar idhar se jaate udhar se aate

ġhunūda chāñd raushan huā
aur hameñ ghar tak chhoḌne kī zid kī

hai dil-e-nākām-e-āshiq meñ tumhārī yaad bhī
ye bhī kyā ghar hai ki hai barbād bhī ābād bhī

mujh ko ma.alūm thā maiñ aur sañvar jā.ūñgā
ghar se niklūñgā to har samt bikhar jā.ūñgā