Tags-Ghar

din ko daftar meñ akelā shab bhare ghar meñ akelā
maiñ ki aks-e-muntashir ek ek manzar meñ akelā

allāh ke bhī ghar se hai kū-e-butāñ aziiz
ka.abe se bhī ziyāda hai hindostāñ aziiz

ārām mujhe bin tire ik pal nahīñ ghar meñ
juuñ mardumak-e-dīda huuñ din raat safar meñ

sūrāḳh yahāñ sūrat-e-favvāra haiñ sar meñ
dikhlā.ūñ tamāshā jo mujhe chhoḌ de ghar meñ

ye bhī koī insāf hai ai ḳhāna-ḳharāb aah
auroñ ko to le jaa.e hai tū din diye ghar meñ

hamārā naam pukāre hamāre ghar aa.e
ye dil talāsh meñ jis kī hai vo nazar aa.e

dekhnā ho gar banā kar kāñch kā ghar dekhnā
kaun barsātā hai kis jānib se patthar dekhnā

ek darīche se do āñkheñ roz sadā.eñ detī haiñ
raat ga.e ghar lauTne vaalo shaad raho ābād raho

tan aish kā ghar hai is kā asbāb hai ruuh
miinā hai ye aur bāda-e-nāb hai ruuh

maiñ phir rahā huuñ shahr meñ saḌkoñ pe ġhāliban
āvāz de ke mujh ko mirā ghar pukār le

aziyyatoñ kā nuzūl mauqūf ḳhaak uḌāne hī par nahīñ hai
azaab un ko bhī to mile haiñ jo log apne hī ghar rahe haiñ

na uTh to ghar se agar chāhtā hai huuñ mash.hūr
nagīñ jo baiThā hai gaḌ kar to kaisā naamī hai

tinkā tinkā bikhar gayā āḳhir
kaise tūfāñ meñ koī ghar Thahre

apnī galī meñ mujh ko na kar dafn bād-e-qatl
mere pate se ḳhalq ko kyuuñ terā ghar mile

bachcho circus aayā hai
ghar ghar us kā charchā hai

chhoḌ kar ghar kī fazā ra.anā.iyāñ pachhtā ga.iiñ
rāstoñ kī dhuul meñ ārā.isheñ kajlā ga.iiñ

dil-e-betāb ke hamrāh safar meñ rahnā
ham ne dekhā hī nahīñ chain se ghar meñ rahnā

gulāboñ ke nasheman se mire mahbūb ke sar tak
safar lambā thā ḳhushbū kā magar aa hī ga.ī ghar tak

taaki ik ghar meñ rahe to dūsrā mahfil meñ ho
'farhat-ehsās' apne jaisā dūsrā paidā karo

shaam ḳhush-rañg parindoñ ke chahak jaane se
ghar huā jaatā hai din meñ jo makāñ hotā hai