Tags-Ghar

ai tīr-e-sitam chal tirī dāvat hai mire ghar
zaḳhm-e-dil-e-nāshād ne añkūr nikālā

na ab ghar meñ vo tahzībī tavāzun
na ab vo koTharī jinnāt vaalī

nahīñ the jashn-e-yād-e-yār meñ ham
so ghar par aa gayā hissa hamārā

kyā jaane is ḳhvāb-e-adam meñ lazzat hai jo ahl-e-qubūr
apne apne ghar meñ haañ yuuñ paañv pasāre sote haiñ

ik muddat meñ phirte phirte muñh se sunī darbāñ ke ye baat
shukr ḳhudā kā apne vo ghar meñ aaj to pyāre sote haiñ

rote haiñ bagūle mire dāman se lipaT kar
sahrā bhī tabī.at meñ mire ghar kī tarah hai

merī band galī ke saare ghar
kitne ajiib se lagte haiñ

ham sab kī khiḌkiyāñ darvāze band haiñ
ghar kī chhateñ āhanī

ghar kī hifāzat karo ghar kī hifāzat karo
raat utartī rahe ham ko dikhā.ī na de

tā-abad ḳhālī rahe yā-rab diloñ meñ us kī jā
jo koī laave mire ghar us ke aane kī ḳhabar

ajab nahīñ ki vahī raushnī mujh mil jaa.e
maiñ apne ghar se kisī din nikal ke dekhūñgā

do rāste the ek jagah rāz-e-jahāñ meñ
ik ghar kī taraf dūsrā zindāñ kī taraf thā

marqad meñ chale rah-e-adam lī
sūjhī jo musāfirat meñ ghar kī

na jaane kaisī thakan thī kabhī nahīñ utrī
chale jo ghar se to daftar meñ jā ke leT ga.e

sazā hamārī bhī kaaTī hai bāl-bachchoñ ne
ki ham udaas hue ghar meñ jā ke leT ga.e

mil ga.e tum haath uThā kar mujh ko sab kuchh mil gayā
aaj to ghar luuT laa.ī hai duā tāsīr kī

na intizār karo in kā ai azā-dāro
shahīd jaate haiñ jannat ko ghar nahīñ aate

gavāh haiñ mire ghar ke ye bām-o-dar saare
ki tere ba.ad yahāñ dūsrā rahā hī nahīñ

ye ahl-e-hosh to ghar se kabhī bāhar nahīñ nikle
magar dīvāne har zanjīr se bāhar nikal aa.e

dar-o-dīvār bhī ghar ke bahut māyūs the ham se
so ham bhī raat is jāgīr se bāhar nikal aa.e