Tags-Ghar

ghar meñ saarī raat be-āvāz hañgāma na pūchh
maiñ akelā niiñd ġhā.eb barhamī chāroñ taraf

mere ghar meñ hī rahā tā-umr merā vāqi.a
apnī apnī varna arz-e-vāqa.ī chāroñ taraf

āñkhoñ se āñsuoñ ke marāsim purāne haiñ
mehmāñ ye ghar meñ aa.eñ to chubhtā nahīñ dhuāñ

ghar se nikal ke bhī vahī taaza havā kā ḳhauf
mīsāq-e-hijr terī bashārat ko kyā huā

sochtā huuñ mere dil tak kis tarah pahuñche koī
be-nishāñ ghar ke liye kuchh to nishānī chāhiye

dīvār o dar ne rañgoñ se dāman chhuḌā liyā
yak-rañgi-e-sukūt se kyuuñ ghar niDhāl hai

galī ke moḌ se ghar tak añdherā kyuuñ hai 'nizām'
charāġh yaad kā us ne bujhā diyā hogā

sub.h chamkī yā koī taarā girā
chāñdnī sī mere ghar tak aa ga.ī

tamām khel huā din Dhalā chalo ab ghar
na jaane mujh meñ utartā ye dard kaisā hai

gajre tamām shahr meñ baañT aayā to khulā
ghar meñ bhī muntazir thī kalā.ī mire liye

vo jo hotī thī fazā-e-dāstānī le gayā
ahd-e-nau ghar ghar se pariyoñ kī kahānī le gayā

na to parde haiñ, na gul-dān, na fānūs koī
ghar ke ḳhush-rañg salīqe mujhe vāpas kar de

bech dene pe bhī ghar lauT kar aa jaate the
vo vafādār parinde mujhe vāpas kar de

kis liye chhīn rahā hai tū mire ghar kā sukūñ
mere bachchoñ ke khilaune mujhe vāpas kar de

kaun kahtā hai ki jaane de mirī laash ko ghar
bas mire ḳhuun ke kapḌe mujhe vāpas kar de

maiñ tumhāre ishq meñ rāt-din jo dikhā.ī detā huuñ mutma.in
mirā ghar hī sirf luTā ho dil to luTā na ho kahīñ yuuñ na ho

band kar baiThe ho ghar radd-e-balā kī ḳhātir
ek khiḌkī to khulī rakhte havā kī ḳhātir

shaam hone ko hai aur aañkh meñ ik ḳhvāb nahīñ
koī is ghar meñ nahīñ raushnī karne vaalā

ghar ko chhoḌā hai ḳhudā jaane kahāñ jaane ko
ab samajh lījiye TuuTā huā taarā mujh ko

phir sulagne lagā sahrā-e-ḳhayāl
abr ghir kar kahīñ barsā hogā