Tags-Ghar

pyaar gayā to kaise milte rañg se rañg aur ḳhvāb se ḳhvāb
ek mukammal ghar ke andar har tasvīr adhūrī thī

ham-sāyoñ ke ghar haiñ chhappar ke
lā kar na havā meñ charāġh dharo

tū sukūñ se thak gayā hai aur betābī se maiñ
shauq hai tujh ko safar kā aur mujh ko ghar kā hai

ek paudā sehn meñ thā dhuup khā kar jal gayā
sirf merā hī nahīñ hai rañj ye ghar bhar kā hai

maiñ hī dastak dene vaalā maiñ hī dastak sunñe vaalā
apne ghar kī barbādī par maiñ hī sar ko dhunñe vaalā

kyā ḳhabar thī chaah us kī dil meñ ghar kar jā.egī
mujh ko ḳhud mere hī andar dar-ba-dar kar jā.egī

log kahte haiñ ki vo laḌkī salīqa-mañd hai
aa ga.ī is ghar meñ to is ghar ko ghar kar jā.egī

ik shaḳhs jazīra rāzoñ kā aur ham sab us meñ rahte haiñ
ik ghar hai tanhā yādoñ kā aur ham sab us meñ rahte haiñ

dekhā hovegā mire ashk kā tūfāñ tum ne
laakh dīvār gire saiñkaḌoñ ghar baiTh ga.e

ghar kī chhat par rim-jhim bārish jaltī dhuup
ye mausam bhī aa jaatā hai ba.az auqāt

rozāna tū raat ga.e ghar aatā hai
shaam se pahle aa jaatā hai ba.az auqāt

havā-e-shām-e-dil-āzār ko asiir kiyā
aur us ko dasht meñ pan-chakkiyoñ ke ghar rakkhā

maiñ dūsroñ ke gharoñ ko bachā rahā huuñ magar
kisī ko fikr nahīñ merā ghar bachāne kī

yuuñ lagtā hai raste meñ sab luT jā.egā
ghar pahuñchūñgā to kuchh sāñseñ rah jā.eñgī

ham aaj bhī ḳhud apne hī saa.e meñ ghir ga.e
sar meñ hamāre aaj bhī saudā safar kā thā

umr bhar vo dar-o-dīvār ke pāband rahe
ghar se nikle hī nahīñ haiñ mire armāñ kī tarah

jaan kar us but kā ghar ka.abe ko sajda kar liyā
ai barahman mujh ko baitullāh ne dhokā diyā

jigar kahīñ hai kahīñ dil kahīñ haiñ hosh o havās
faqat judā.ī meñ is ghar kā intizām nahīñ

tumhārī raat pe itnā hī tabsira hai bahut
makīñ añdhere meñ haiñ chāñdnī meñ ghar hai miyāñ

jaarī jā uḌ jā chiḌiyā
us ghar meñ mat aa chiḌiyā